"രപ്തി സാഗർ "

ഒരു മരണാന്തര ചടങ്ങിൽ പങ്കെടുക്കാൻ എന്റെ സുഹൃത്തിനും ഫാമിലിക്കും ചെന്നൈയിൽ നിന്ന് തൃശ്ശൂരിൽ എത്തണമായിരുന്നു  മരണവിവരം കിട്ടുമ്പോൾ രാത്രി എട്ടു മണി   പിന്നെ നോക്കിയപ്പോൾ  രാത്രി പന്ത്രണ്ടു മണിക്ക്  രപ്തി  സാഗർ ട്രെയിൻ ചന്നൈ സെൻട്രൽ  പാസ്സ്‌ചെയ്തു  തിരുവന്തപുരത്തേക്കു പോകുന്നു എന്നറിഞ്ഞു ആരെയെല്ലാമോ പിടിച്ചു  എമെർജൻസി ക്വാട്ടയിൽ നാലു ടിക്കറ്റ് ഒപ്പിച്ചു 
ഏകദേശം  പതിനൊന്നരക്ക്  സെൻട്രലിൽ എത്തിയപ്പോൾ  രപ്തിസാഗർ  ഏഴാം നമ്പർ ഫ്ലാറ്റ്ഫോമിൽ  എന്ന്  അനൗണസ് ചെയ്യുന്നു
പിന്നെ ഒന്നാം നമ്പർ ഫ്ലാറ്റ്ഫോമിൽ നിന്ന് ഏഴാം നമ്പർ ഫ്ലാറ്റ്ഫോമിൽ ഓടി പിടിച്ചെത്തി   കമ്പാർട്ട്മെന്റ്  കണ്ടു പിടിച്ചു  സീറ്റ് നമ്പരുകൾ കണ്ടുപിടിച്ചപ്പോൾ  അതെല്ലാം 'ഒക്കിപെയ്ഡ് ' ആണ് 
അവരെല്ലാം  നല്ല  ഉറക്കത്തിലും  പിന്നെ തട്ടി വിളിച്ചു  ഉണർത്തിയപ്പോൾ  അവരെല്ലാം  ബംഗാളികളാണ്   അവരോടു അറിയുന്ന  ഹിന്ദിയിൽ  അത്  തങ്ങൾക്കു  അലോട്ട് ചെയ്‍ത  സീറ്റും  ബെർത്തുമാണ് എന്ന്  സുഹൃത്ത് ഒരുവിധം പറഞ്ഞൊപ്പിച്ചു,  അവരോടു സീറ്റ് മാറിത്തരുവാൻ ആവശ്യപ്പെടുകയും ചെയ്തു  .
എന്നാൽ  അവർ  അവരുടെ ടിക്കറ്റ് എടുത്തു കാട്ടി  അത് അവർക്കു  അലോട്ട് ചെയ്‌ത സീറ്റ് ആണെന്ന് പറഞ്ഞു.  എന്ത് ചെയ്യണമെന്നറിയാതെ നിന്ന സുഹൃത്തിനോടും കുടുംബത്തോടും,   അതിൽ ഒരാൾ  ചോദിച്ചു  " കഹാം  ജാനാ ഹായ് " 
ഉടനെ സുഹൃത്ത് പറഞ്ഞു  " തൃശൂർ  കേരള "   ഉടനെ  അവർ പറഞ്ഞു  ഇത്  കേരളത്തിൽനിന്ന് ഗോരഖ്‌പുരിലേക്കു പോകുന്ന  ട്രെയിൻ ആണെന്ന്  അപ്പോഴാണ്  പറ്റിയ അമളി സുഹൃത്ത്  തിച്ചറിഞ്ഞത്   പിന്നെ  അവരോടു  തെറ്റും ക്ഷമയും  പറഞ്ഞു  വണ്ടിയിൽ നിന്ന് പുറത്തിറങ്ങി
അപ്പോൾ  വീണ്ടും അനൗൺസ്‌മെന്റ്  "കേരള ബൗണ്ട്  രപ്തി സാഗർ  ഈസ്  അറൈവിങ്‌  ഇൻ ഫ്ളാറ്റഫോം നമ്പർ വൺ " 
 Up and down  ട്രെയിനുകൾക്കു  ഒരേ പേരാണ്  "രപ്തി സാഗർ "  ട്രെയിൻ നമ്പർ നോക്കി വേണം കയറാൻ ..... നല്ലൊരു പാഠം അങ്ങനെ പഠിച്ചു