കാഞ്ചന

ഇന്ന് ലോക വനിതാ ദിനം

അതിന്റെ ആശംസകള്‍ നേര്‍ന്നുകൊണ്ട്

മനസ്സില്‍ എന്നും ബഹുമാനത്തോടുകൂടി മാത്രം ഓര്‍ക്കുന്ന ഒരു വനിതയെ പറ്റി പറയാം

ഇതുപോലെ ഉള്ളവര്‍ ഒരുപാട് പേരുണ്ട് പലരേയും പലരും കണ്ടിരിക്കും കേട്ടിരിക്കും

എന്നാലും

അവര്‍ കാഞ്ചന സത്യന്‍ അന്തിക്കാടിന്റെ തലയണ മന്ത്രത്തിലെ കാഞ്ചന അല്ല

ഇത് ജീവിത്തതോട് പൊരുതി ജയിച്ച കാഞ്ചന,കഴിഞ്ഞ ഒരു പത്തു വര്‍ഷമായി അറിയാം പലപ്പോഴും വീട്ടില്‍ വന്നിട്ടുണ്ട്

ഇവര്‍ എന്റെ ഭാര്യ ജോലിചെയുന്ന ബാങ്കില്‍ പാര്‍ട്ട്‌ ടൈം സ്വീപ്പര്‍

അത്യാവശ്യം പഠിച്ചിട്ടുണ്ട്

രണ്ടു പെണ്‍കുട്ടികള്‍ ഒരാള്‍ പഠിച്ചു നേഴ്സ് ആയി ജോലി ചെയുന്നു

മറ്റേ കുട്ടി ഡിഗിരി കഴിഞ്ഞു MBA ചെയുന്നു

ഇന്നലെ മുത്ത കുട്ടിയുടെ കല്യാണമായിരുന്നു ഞങ്ങള്‍ പോയിരുന്നു

വളരെ ലളിതമായ ഒരു ചടങ്ങ് ഒരു അമ്പതു പേര്‍ പങ്കെടുത്ത ഒരു ചെറിയ ചടങ്ങ്

അത് കഴിഞ്ഞു മടങ്ങുമ്പോള്‍ കാഞ്ചനയുടെ കാര്യങ്ങള്‍ ഭാര്യ പറഞ്ഞു,വീണ്ടും ഒരിക്കല്‍ക്കൂടി..........

അത്യാവശ്യം പണവും സൌകര്യങ്ങളും ഉള്ള വീട്ടിലെ ഏക സന്തതി

അവളുടെ നാട്ടില്‍ റോഡ്‌ പണിക്കു വന്ന തമ്പിയെ പരിചയപ്പെട്ടു അടുത്തു വിവാഹവും കഴിച്ചു വീട്ടുക്കാരെ എതിര്‍ത്ത്

കണവന്‍ കാണാന്‍ സുന്ദരന്‍ പക്ഷെ എപ്പോഴും താമര പോലെയാണ്, വെള്ളത്തില്‍ അതുമാത്രമാണ് ആകെ ഉള്ള കുഴപ്പം

കല്യാണത്തിന്റെ ആദ്യദിനങ്ങള്‍ വളരെ ശാന്തമായിരുന്നു സന്തോഷം നിറഞ്ഞതും

താമസം തമ്പിയുടെ വീട്ടില്‍ എല്ലാവരും- അച്ഛനും അമ്മയും സഹോദരനും വളരെ ഇഷ്ട്ടത്തില്‍

പക്ഷെ ആ ജീവിതം അധികം നീടിച്ചില്ല കാരണം

ടിയാന്റെ കള്ളുകുടിയും ഇടുങ്ങിയ മനോഭാവവും

സംശയം ദേഷ്യം എല്ലാം കലാശിച്ചത് ചവിട്ടും തൊഴിയും ബഹളവും ഇവയില്‍ ആയിരുന്നു

അവസാനം തമ്പിയുടെ വീട്ടിലെ സ്വസ്ഥത കുടി നശിച്ചപ്പോള്‍ അവര്‍ വീട്ടില്‍ നിന്ന് ഇറക്കിവിട്ടു

അഭിമാനിയായ തമ്പിതനിക്കു കിട്ടിയ മൂന്ന് സെന്റില്‍ ഒരു ഓലപ്പുര കെട്ടി(അത് വീട് എന്നു പറയാന്‍ പറ്റില്ല നാല് കാലുള്ള, മുകള്‍ ഓല മേഞ്ഞ, ചുറ്റും തുണി കൊണ്ട് മറച്ച കുടില്‍ ) അവിടേക്ക് താമസം മാറ്റി

കെട്ടിയോന്‍ നല്ല അദ്വാനി അതുകൊണ്ടുതന്നെ എന്നും പണി കിട്ടുമായിരുന്നു

സുഖമായിട്ടു ജീവിക്കാന്‍ കിട്ടുന്ന കൂലിയുടെ പകുതി ഉണ്ടെങ്കില്‍ ധാരാളം

പക്ഷെ എല്ലാം കൊടുക്കും ബാറില്‍

രാത്രിയില്‍ നല്ലഫോമില്‍ എത്തുന്ന തമ്പി ചവിട്ടും ചീത്തവിളിയും നിത്യ കലാ പരിപടിയാക്കിയപ്പോള്‍, തമ്പി വരുന്നത് കണ്ടാല്‍ അടുത്ത വീടുകളില്‍ അഭയം പ്രാപിക്കാന്‍ തുടങ്ങി കാഞ്ചന

പലപ്പോഴും ജീവിതം അവസാനിപ്പിക്കാന്‍ തീരുമാനിച്ചു പക്ഷെ തന്റെ രണ്ടു കുട്ടികളെ ഓര്‍ത്തു അതില്‍ നിന്ന് പിന്‍ തിരിഞ്ഞു

ഉട് തുണിക്ക് മറു തുണി ഇല്ലാത്ത അവസ്ഥ

പോരാത്തതിന് രണ്ടു പെണ്മക്കളും പ്രായമായി വരുന്നു

കാഞ്ചന അയല്‍ വാസികള്‍ക്കും ഒരു ബാധ്യത ആയ സമയം

അവള്‍ ഒരു തീരുമാനത്തില്‍ എത്തി

അടുത്ത ദിവസം മുതല്‍ അവളും വീടുപണിക്കും മറ്റു കൂലി വേലകള്‍ക്കും പോയിത്തുടങ്ങി

അതോടെ പട്ടിണി മാറി

കുട്ടികളെ സ്കൂളില്‍ ചേര്‍ത്തു അവരുടെ ഉയര്‍ച്ച മാത്രം ലക്‌ഷ്യം വെച്ച് കഠിനാധ്വാനം ചെയ്തു

വീടുപണിക്ക് പോയത് കൊണ്ട് ഇപ്പോള്‍ ജോലി ചെയ്യുന്ന ബാങ്കില്‍ ജോലികിട്ടി

വീട്ടുവേലക്കു നിന്ന വീട്ടിലെ കൊച്ചമ്മ പറഞ്ഞു അവരുടെ ഭര്‍ത്താവ് (ബാങ്കിലെ RM ) സഹായിച്ചതുകൊണ്ട്

പുറം പണിയും, ബാങ്കിലെ ജോലിയും ജീവിതത്തിനു പുതിയ നിറം പകര്‍ന്നു

ചെറിയ ഒരു വീട് വച്ചു രണ്ടു കുട്ടികളെ പഠിപ്പിച്ചു ഇപ്പൊ തമ്പിയും സ്വഭാവം മാറ്റി കാഞ്ചനയുടെ സഹായത്തിനുണ്ട്

ഈ വനിതാ ദിനത്തില്‍ അവരെ പരിചയപ്പെടുത്താന്‍ സാധിച്ചതില്‍ സന്തോഷിക്കുന്നു