Tuesday, August 15, 2017

big salute




ഇന്ന് നമ്മൾ നമ്മുടെ സ്വാന്ത്ര്യദിനം വിപുലമായി
തന്നെ ആഘോഷിച്ചു പ്രധാനമന്ത്രിയുടെ
പ്രസംഗം അതിന്റെ വ്യാഖ്യാനങ്ങൾ ദുർവ്യാഖ്യാനങ്ങൾ
എല്ലാം കേട്ടും ടീവിയിൽ കണ്ടും സ്വന്തന്ത്ര്യ ദിന
വിഡിയോകളും മെസ്സേജുകൾ അയച്ചും വായിച്ചും
ഫോൺ ഹാങ്ങാവുന്നതു ഒഴിവാക്കാൻ കുറച്ചു
മെസ്സേജുകൾ ഡിലീറ്റ് ചെയ്‌തും ദിവസംആഘോഷിച്ചപ്പോൾ. രാജ്യത്തിൻറെ ഒരറ്റം വെള്ളപ്പൊക്ക കെടുതികൾക്കു നടുവിലാണ് ഈ ദിനം ആഘോഷിച്ചത്..
ഇന്നു കിട്ടിയ ഒരു ഫോട്ടോ ശരിക്കും എന്റെ
ഹൃദയത്തെ സ്പർശിച്ചു
കഴുത്തു  വരെ വെള്ളത്തിൽ നിന്ന്  കുട്ടികൾ നമ്മുടെ ത്രിവർണ പതാകയ്ക്ക് സല്യൂട്ട് ചെയ്യുന്നു
ഇത് ആസാമിലാണ് ..ഇതാണ് രാജ്യ സ്നേഹം
രാഷ്ട്ര പതാകയോട് ചെയ്യുന്ന ഏറ്റവും വലിയ
ബഹുമാനമാണ്..
ഐ സല്യൂട്ട് ദം👏👏

Monday, August 14, 2017

ഇന്നൊവേറ്റീവ് ഫിലിം സിറ്റി

തീരെ വിചാരിക്കാതെ ഇന്നലെ ബംഗളുരുവിലെത്തി
ഒരു ഫാമിലി യാത്ര നാല് ദിവസം ബംഗളുരുവിൽ
ഉണ്ടാകും എന്നാലും ഇന്നു മാത്രമാണ് ഔട്ടിങ്ങിനു
സമയമുള്ളതു പലവട്ടം കണ്ട ലാൽബാഗ് തുടങ്ങി
സ്ഥിരം പംക്തികൾ ആവർത്തിക്കാം എന്നുപറഞ്ഞപ്പോൾ
ഗൂഗിൾ പറഞ്ഞു കുറച്ചകലെ ഇന്നൊവേറ്റീവ്
ഫിലിം സിറ്റി കിടപ്പുണ്ട് ഒരു പകൽ ചിലവിടാൻസാധിക്കും
പിന്നെ കണ്ടവരുടെ റിവ്യൂ കൊള്ളാം

കാലത്തു പത്തുമണിയോടെ അവിടെയെത്തി ആദ്യ
ഇമ്പ്രെഷൻ കൊള്ളാം ആദ്യം കണ്ടത് സ്കിൽ മേള
അമ്പും വില്ലും മുതൽ പുതിയ കളികൾ....
പിന്നെ കണ്ടത് ഹൊണ്ടിങ് വില്ല കുറച്ചുമനക്കരുത്തു
വേണം അതിലുടെ കടന്നു പോകാൻ കുരാ കൂരി
ഇരുട്ട് ചെറിയ സീറോ വാൾട്ട് ചുവന്ന വെളിച്ചം ചുറ്റും
അലർച്ചകൾ ഡ്രാക്കുള പോലുള്ള ഭീകരന്മാരുടെ
രൂപങ്ങൾ നമ്മുടെ നാടൻ യക്ഷികളും ഒരു അരമണിക്കൂർ
പ്രേതങ്ങളുടെ താഴ്‌വരയിൽ കഴിയാം
അടുത്തുകണ്ടതു മിറർ മെയ്സ്..ഇതിലും ഇരുട്ടാണ്
കൂടെ ചുവന്ന വെളിച്ചവും കണ്ണാടി ഏതു വഴി ഏതു
എന്ന് കണ്ടുപിടിച്ചു പുറത്തു വരണമെങ്കിൽ സമയം
കുറച്ചധികം പിടിക്കും
പിന്നെ വാക്സ് മ്യൂസിയം ഷേക്‌സ്‌പിയർ. ഹിറ്റ്ലർ
ദലായി ലാമ വിൻസ്റ്റൺ ചർച്ചിൽ ഗന്ധിജി മുതൽ
നാം കണ്ടും കേട്ടും പഠിച്ചിട്ടുള്ള എല്ലാവരുമുണ്ട്
പ്രതിമകളായി..
പിന്നെ വാട്ടർ തീം പാർക്ക് അത്രക്ക് പോരാ
പിന്നെ കാർട്ടൂൺ ഗാലറി, ദിനോസർ പാർക്ക്
ബിഗ്‌ബോസ് ഷൂട്ട് ചെയ്ത ബംഗ്ലാവ്, കബാലി
സിനിമയുടെ കൂറ്റൻ സെറ്റുകൾ..
3D പൈന്റിങ്‌സ്
ഇതിനുള്ളിൽ നിന്ന് ഫോട്ടോ എടുത്താൽ
നമ്മൾ ഫൗണ്ടനിൽ, മൃഗങ്ങളുടെ കൂടെ
തുടങ്ങി പ്രതീതി ജനിപ്പിക്കുന്ന ഫോട്ടോകൾ
എടുക്കാം
 9D വെർച്ച്വൽ റിയാലിറ്റി
വെറും അഞ്ചു മിനുട്ടിൽ നമ്മുക്ക് വേറൊരു
മാസ്മര ലോകത്തിലേക്ക് യാത്ര ചെയ്യാം
വെറുതെ ഒരു ചെയറിൽ ഇരുന്നാൽ മതി
പിന്നെയുള്ളതു ഒൺ മിനുട്ട് സ്‌കിൽ ഷോ
വിജയിച്ചാൽ സമ്മാനങ്ങൾ നേടാം...
നല്ല സൗത്ത് ഇന്ത്യൻ ഫുഡ് കാപ്പി എല്ലാം
കാലത്തു പത്തുമണിമുതൽ വൈകീട്ട് ആറുവരെ
ശരിക്കും എന്ജോയ് ചെയ്തു

Tuesday, August 1, 2017

സൗഹൃദം



ഇന്ന് രാവിലെ  യാത്രയിൽ കണ്ട ഒരു കാഴ്ച്ച എന്നെ വല്ലാതെ ആകർഷിക്കുന്ന ഒന്നായിരുന്നു .

കുറച്ചു കോളേജ് കുട്ടികൾ. ............അതിൽ രണ്ടു ആൺകുട്ടികളും മൂന്നു പെൺകുട്ടികളും .ഞാൻ കേറിയ കടയിൽ നിന്നും അവരും എന്തൊക്കെയോ സാധനങ്ങൾ വാങ്ങുന്നു .പരസ്പ്പരം അവർ സംസാരിക്കുന്ന രീതി എന്നെ അതിശയിപ്പിച്ചു  .ആംഗ്യഭാഷയിൽ അവർ പറയാനുള്ള കാര്യങ്ങൾ പരസ്പ്പരം കൈമാറുന്നു .എല്ലാവരും വളരെ സന്തോഷത്തിലും ആണ് .കടയിൽ ഉള്ള എല്ലാവരുടെയും ശ്രദ്ധ അവരിലേക്കാണ് .അവർ അതൊന്നും ശ്രദ്ധിക്കുന്നതേ ഇല്ല .

എല്ലാവരുടെയും ചിന്ത പോലെ തന്നെ അവർക്കാർക്കും സംസാരിക്കാനുള്ള കഴിവ് കാണില്ല എന്ന് തന്നെ എനിക്കും തോന്നി .വല്ലാത്ത ഒരു വേദന ആ കാഴ്ച്ച എനിക്ക് നൽകി .മറ്റെല്ലാ മുഖങ്ങളിലും ആ സഹതാപം നിറഞ്ഞു നിൽക്കുന്നു  .

എനിക്ക് ആവശ്യമുള്ള സാധനങ്ങൾ വാങ്ങി ബില്ല് അടച്ചു ഞാൻ ഇറങ്ങിയപ്പോൾ എന്റെ മുന്പിലായി തന്നെ അവരും ........എത്ര ശ്രമിച്ചിട്ടും എന്റെ കണ്ണുകൾ അവരെ പിന്തുടരാതിരിക്കാൻ സാധിക്കുന്നതല്ലായിരുന്നു .എന്റെ ചിന്ത അവരെ കുറിച്ച് മാത്രമായിരുന്നു .

ബസ്സ് സ്റ്റോപ്പിൽ ബസ്സിന്‌ വേണ്ടിയുള്ള കാത്തു നിൽപ്പിൽ
അവരും .എന്താണ് അവർ സംസാരിക്കുന്നത് എന്ന് ഞാൻ ചിന്തിച്ചു കൊണ്ടേ  ഇരുന്നു .മൂകരും ബധിരരും ആയുള്ള ആളുകൾക്ക് വേണ്ടിയുള്ള വാർത്ത മാധ്യമത്തിൽ കണ്ടിട്ടുണ്ടെങ്കിലും അതിനു താഴെ എഴുതി വരുന്നതിൽ നിന്നും എന്താണ് അതിലെ ഉള്ളടക്കം എന്ന് ചെറുതായെങ്കിലും മനസ്സിലാക്കാൻ സാധിച്ചിരുന്നു .

കാത്തു നിൽപ്പിനു ഒടുവിൽ ബസ്‌ വന്നു .എല്ലാവരും കയറി സീറ്റുകളിൽ ഇരിപ്പുറപ്പിച്ചു .ഞാൻ ആ കുട്ടികൾക്ക് പിന്നിലായിട്ടാണ് ഇരുന്നത് .ഞാൻ ശ്രദ്ധിക്കുന്നത് കണ്ടിട്ടാവണം അവർ എന്നെ നോക്കി മെല്ലെ പുഞ്ചിരിച്ചു  .ബസ് യാത്ര തിരിച്ചു .യാത്രക്കിടയിലും അവർ എല്ലാവരും അവരുടെ ഭാഷയിൽ എന്തൊക്കെയോ പറയുന്നു കൈ കൊട്ടി ചിരിക്കുന്നു .ആകെ ഉല്ലാസത്തിൽ യാത്ര .

ആ കാഴ്ച്ച വേദനിപ്പിച്ചു തുടങ്ങിയപ്പോൾ ഞാൻ എന്റെ ശ്രദ്ധ പതുക്കെ മുഖപുസ്തകത്തിലേക്കു തിരിച്ചു .ആരൊക്കെയോ എഴുതിയ കഥകളും കവിതകളും മറ്റ് പോസ്റ്റകളും ഒക്കെ വായിച്ചും കണ്ടും അവയ്‌ക്കൊക്കെ ലൈക്കും കമന്റും ഒക്കെ കൊടുത്തിട്ടു നോക്കുമ്പോൾ ആ കുട്ടികളുടെ കൂട്ടത്തിൽ നിന്നും ഒരു കുട്ടി ഒരു സ്റ്റോപ്പിൽ ഇറങ്ങാൻ വേണ്ടി തയ്യാറായി നിൽക്കുന്നു .കൂട്ടുകാരോടു അവരുടെ ഭാഷയിൽ യാത്ര പറഞ്ഞു ആ കുട്ടി ഇറങ്ങിയതും ബസ് എടുത്തതും അത് വരെ ആംഗ്യഭാഷയിൽ സംസാരിച്ചിരുന്ന മറ്റു കുട്ടികൾ നല്ല രീതിയിൽ സംസാരിക്കുന്നു .

എന്റെ അതിശയം കണ്ടിട്ടാവണം അതിൽ ഒരു കുട്ടി എന്നോട് പറഞ്ഞു ,

"അതിശയിക്കണ്ടാ, ഈ കണ്ടതൊന്നും സ്വപ്നം അല്ല  .അവൾ ഒഴിച്ചു ഞങ്ങൾക്ക് എല്ലവർക്കും സംസാരിക്കാനും കേൾക്കാനും ഒരു കുഴപ്പവും ഇല്ല .ഞങ്ങൾ സാധാരണ ഭാഷയിൽ സംസാരിച്ചാൽ അവൾക്കു മനസ്സിന് ഉണ്ടാകുന്ന വിഷമം ,അത് വേണ്ടാന്നു വെച്ച് അവളോട് കൂട്ടായ അന്ന് മുതൽ അവൾക്ക് വേണ്ടി ആ ഭാഷ ഞങ്ങൾ പഠിച്ചു എടുത്തതാണ് .അവൾ കൂടെ ഉള്ളപ്പോൾ ഞങ്ങൾ ആ ഭാഷയിലേ സംസാരിക്കാറുള്ളൂ എവിടെ ആയാലും .അവളെ മാത്രം ആളുകൾ സഹതാപത്തോടെ നോക്കുന്നത് ഒഴിവാക്കാൻ വേണ്ടി ആണ് ........"

എനിക്ക് ആ കുട്ടികളോട് ഒരുപാട് സ്നേഹം തോന്നി .സൗഹൃദം എന്നാൽ ഇങ്ങനെ ആയിരിക്കണം എന്ന് തോന്നിയ നിമിഷങ്ങൾ..............കാര്യം കാണാൻ വേണ്ടി സൗഹൃദങ്ങൾ ഉണ്ടാക്കുന്നവർ ഇവരെ കണ്ടു പഠിക്കണം എന്ന് ഉച്ചത്തിൽ വിളിച്ചു പറയണമെന്ന് തോന്നി.........

ഇതുപോലുള്ള സ്നേഹത്തിൽ സൗഹൃദത്തിൽ
നമ്മുക്ക് ഈശ്വരനെ കാണാം
സ്നേഹം സൗഹദം എത്ര മനോഹരം !
(ഇന്ന് വായിച്ചത്)

Monday, July 31, 2017

റാഫീ

ഇന്ന് റാഫീ സാബിന്റെ ചരമദിനം..1980 ജൂലായ് 31അന്നായിരുന്നു ഭാരതീയ സംഗീതത്തെ ഇഷ്ടപ്പെടുന്ന ഒരാള്‍ക്കും ഒരിക്കലും വിസ്മരിക്കാനാവാത്ത സ്വരവിസ്മയമായിരുന്ന മുഹമ്മദ് റഫി നമ്മെ വിട്ടുപിരിഞ്ഞത്.അന്ന് ഭാരതം റഫി സാബിന്റെ വിയോഗം താങ്ങാനാവാതെ തേങ്ങി. കോരിച്ചൊരിയുന്ന മഴ വകവെക്കാതെ സംഗീത ആസ്വാദകരായ ആയിരങ്ങളാണ് വിലാപയാത്രയെ അനുഗമിച്ചത്.. റാഫി സാബ് അന്തരിച്ചിട്ടു 37 വര്‍ഷം കഴിയുമ്പോഴും അദ്ദേഹത്തിന്റെ മാസ്മരിക കണ്ഠ നാളത്തിലൂടെ പുറത്തുവന്ന ഗാനങ്ങള്‍ സംഗീതാസ്വാദകര്‍ക്ക് ഇന്നും അനുഭൂതിയുടെ ഒരായിരം അനര്‍ഘ നിമിഷങ്ങള്‍ നല്‍കുന്നു.പഞ്ചാബിലെ കോട്ടല സുല്‍ത്താന്‍സിംഗ് എന്ന ഗ്രാമത്തില്‍ 1924 ഡിസംബര്‍ 24ന് ജനിച്ച റാഫിക്ക് ബാല്യകാലത്ത് തന്നെ സംഗീതത്തോട് അതീവ താല്പര്യമുണ്ടായിരുന്നു. സംഗീതത്തെക്കുറിച്ച് കൂടുതല്‍ പഠിക്കാന്‍ ലാഹോറിലെത്തിയ റാഫി പ്രശസ്തരായ ഗുലാം അലി, ഫിറോസ് നിസാനിയെപ്പോലള്ളവരില്‍ നിന്ന് സംഗീത്തെക്കുറിച്ച് കൂടുതല്‍ കാര്യങ്ങള്‍ ഗ്രഹിച്ചു.പിന്നീട് ഉസ്താദ് വഹീദ്ഖാന്‍, തന്റെ സുഹൃത്തായ സംഗീതഞ്ജന്‍ നൗഷാദ് അലിയെ റാഫിക്ക് പരിചയപ്പെടുത്തി. . അത് റാഫിയുടെ സംഗീത ജീവിതത്തിന്റെ വഴിത്തിരിവായിരുന്നു. ആദ്യം കോറസ് ഗാനം പാടുകയും പിന്നീട് നൗഷാദലി തന്നെ 'ജഗ്‌നു' എന്ന ചിത്രത്തില്‍ പാടിക്കുകയായിരുന്നു. യഹാ ബദ്‌ലാ വഹാനാ എന്ന ഗാനത്തോടെയായിരുന്നു റാഫി നൗഷാദ് അലി കൂട്ടുകെട്ടിന്റെ തുടക്കം. പിന്നീട് 'ഓ ദുനിയാക്കെ രക്‌വാലെ ' എന്ന ഗാനമടക്കം നിരവധി ഹിറ്റുകള്‍ ഇവരുടേതായി പുറത്തിറങ്ങി. 1950,1960 കാലഘട്ടത്തില്‍ സൈഗളും, തലത്ത് മഹമൂദും, മുകേഷും ഹിന്ദിസംഗീത ലോകത്ത് തിളങ്ങി നില്‍ക്കുമ്പോഴാണ് മുഹമ്മദ് റാഫിയുടെ അരങ്ങേറ്റം. സരാസാമ്‌നെത്തോ ആവേ ചലിയെ (രാത്ത് കെ അന്ധേെര മെ) ചല്‍ ഉഡ്ജാരെ പംച്ചി (ബാബി) യെ ദുനിയാക്കെ രക്‌വാലെ (ബൈയ്ക്കു ഭാവ്‌റ) സുഹാനി രാത്ത് ദല്‍ ചുക്കി(ദുലാരി) യെ ദുനിയാ യെ മെഹഫില്‍ (ഹിര്‍രാഞ്ജ ജാ) തുടങ്ങിയ ഹിറ്റുഗാനങ്ങള്‍ ആ കാലത്ത് റാഫിയെ ഹിന്ദി സിനിമയുടെ ഒരു ഹരമാക്കി മാറ്റുകയാണ് ചെയ്തത്.1948ല്‍ രാഷ്ട്രപിതാവ് ഗാന്ധിജി വെടിയേറ്റ് മരിച്ചപ്പോള്‍ റാഫി ഗാന്ധിജിയെ അനുസ്മരിച്ച് പാടിയ 'സുനോ സുനോ ഓ ദുനിയാവാലോ ബാബുജി കി അമര്‍ കഹാനി' എന്ന ഗാനം ഭാരതം മുഴുവന്‍ അലയടിച്ചു. ഇന്ത്യയുടെ ഒന്നാം റിപ്പബ്ലിക് ദിനത്തില്‍ പാടാനും പ്രധാനമന്ത്രി നെഹ്‌റു അടക്കമുള്ളവരുടെ പ്രശംസ പിടിച്ചുപറ്റാനും റാഫിക്ക് സാധിച്ചു. നെഹ്‌റുവിന്റെ ആവശ്യപ്രകാരം കാശ്മീര്‍ താഴ്‌വരയും യുദ്ധ ക്യാമ്പുകളും സന്ദര്‍ശിച്ച് സൈനികര്‍ക്ക് ആവേശം പകരാന്‍ ദേശഭക്തി ഗാനങ്ങള്‍ റാഫി ആലപിച്ചു.മൂന്ന് തവണ ദേശീയ അവാര്‍ഡും ആറു തവണ ഫിലിംഫെയര്‍ അവാര്‍ഡും നേടിയ റാഫിയെ സര്‍ക്കാര്‍ പത്മശ്രീപട്ടം നല്‍കി ആദരിച്ചു. സംഗീതത്തിന് ഭാഷയി ഇല്ലെന്ന ചൊല്ല് അന്വര്‍ത്ഥമാക്കിയ റാഫി വിവിധ ഭാഷകളില്‍ പാടി. തളിരിട്ട കാിനാക്കള്‍ എന്ന മലയാള സിനിമയ്ക്ക് വേണ്ടിയും റാഫി ഒരു ഹിറ്റ് ഗാനം ആലപിച്ചിരുന്നു.എല്ലാ നടന്മാര്‍ക്കും അനുയോജ്യമായ രീതിയില്‍ പാടാന്‍ കഴിവുള്ള ഗായകന്‍ (താരങ്ങളുടെ ശബ്ദം) കൂടിയായിരുന്നു റാഫി. പൃഥ്വിരാജ്‌ കപൂര്‍ മുതല്‍ ഋഷി കപൂര്‍ വരെയും ദിലീപ് കുമാര്‍ മുതല്‍ ഗോവിന്ദവരെയുള്ള നടന്മാര്‍ക്ക് റാഫി ശബ്ദം നല്‍കി. റാഫി വിട പറഞ്ഞിട്ട് 37 വര്‍ഷം തികയുമ്പോഴും മറ്റൊരു റാഫിക്ക് വേണ്ടിയുള്ള സംഗീത ലോകത്തിന്റെ കാത്തിരിപ്പ് വെറുതെയാവുന്നു.റഫിസാബ് അദ്ദേഹം ആലപിച്ച ഗാനങ്ങളിലൂടെയാണ് സംഗീതാസ്വാദകരുടെ മനസ്സില്‍ ഇന്നും ജീവിക്കുന്നത് 


Thursday, July 27, 2017

കാലം മായ്ക്കാത്ത കലാം






ജൂലൈ 27 മുന്‍  ഡോ.എപിജെ അബ്‍‍ദുൾ കലാം ഓർമ്മയായിട്ട് രണ്ട് വർഷം . മിസൈൽ മനുഷ്യന്‍ എന്ന വിശേഷണത്തിൽ നിന്നും ഭാരതത്തിന്‍റെ പ്രഥമ പൗരനായി വളർന്ന അബ്ദുൾ കലാമിന്‍റെ ദീപ്‍ത സ്‍മരണയ്ക്ക് മുന്നിൽ ആദരാഞ്ജലിയർപ്പിക്കുന്നു


അവുൽ പക്കീർ ജൈനലബ്ദീന്‍ അബ്ദുൾ കലാമെന്ന എപിജെ അബ്ദുൾ കലാമിന്‍റെ ജീവിതം ഇല്ലായ്മകളെ അഗ്നിച്ചിറകുകളാൽ കീഴടക്കിയ വിജയഗാഥ തന്നെയായിരുന്നു.

1931ൽ തമിഴ്‍നാട്ടിലെ രാമേശ്വരത്ത് ഒരു സാധാരണ കുടുംബത്തിൽ ജനിച്ച കലാം ഭാരതരത്നമായതിന് പിന്നിൽ ലാളിത്യത്തിന്‍റെയും, സ്ഥിരോത്സാഹത്തിന്‍റെയും കഥയുണ്ട്. രാമേശ്വരം ക്ഷേത്രത്തിലെ പൂജാരിയായ പാക്ഷി ലക്ഷ്മണ ശാസ്ത്രിയും പിതാവായ ജൈനലബ്ദീനും തമ്മിലുള്ള സൗഹൃദത്തിൽനിന്ന് മതമൈത്രിയുടെ ഇഴയടുപ്പം ചെറുപ്രായത്തിലേതൊട്ടറിഞ്ഞു. പത്രം വിതരണം ചെയ്തും കക്ക പെറുക്കിയും നടന്ന പ്രഭാതങ്ങളിൽ നിന്ന് ജീവിതത്തേയും. പിന്നീട് സതീഷ് ധവാനിൽ നിന്നും വിക്രം സാരാഭായിയിൽ നിന്നും ബഹിരാകാശത്തിന്‍റെ അനന്ത വിസ്‍മയങ്ങളേയും. പഠന വിധേയനാക്കി

ബഹിരാകാശ പഠനത്തിന് ശേഷം ‍ഡി.ആർ.ഡി.ഒ, ISRO തുടങ്ങിയ ഗവേഷണ സ്ഥാപനങ്ങളിൽ ഉന്നത സ്ഥാനങ്ങൾ വഹിച്ചു. ഭാരതത്തിന്‍റെ മിസൈൽ മാന്‍ എന്ന വിശേഷണത്തിന് പിന്നിൽ നേട്ടങ്ങളുടെ നീണ്ട പട്ടിക. 2002ൽ ഭരണകക്ഷിയായിരുന്ന ഭാരതീയ ജനതാ പാർട്ടിയുടെ പിന്തുണയോടെ രാഷ്ട്രപതി സ്ഥാനത്തേക്ക് തെരഞ്ഞെടുക്കപ്പെട്ടു. രാഷ്ടപതി ഭവന്‍റെ ഔപചാരികതകൾക്കപ്പുറം ജനകീയനായി. എളിയ ജീവിതം കൊണ്ട് പ്രിയങ്കരനായി. സമർത്ഥനായ രാജ്യതന്ത്രഞ്ജനായി.
2007ൽ സ്ഥാനമൊഴിഞ്ഞ ശേഷം അധ്യാപനത്തിലും പ്രസംഗത്തിലും എഴുത്തിലും മുഴുകി. മരണം ആകസ്മികമായി കടന്നുവന്നതും അത്തരത്തിലൊരു വേദിയിൽ വെച്ചായിരുന്നു. ഷില്ലോങ്ങിൽ ഒരു പ്രഭാഷണ പരിപാടിയ്ക്കിടെ ഹൃദയാഘാതത്തെ തുടർന്ന് കുഴഞ്ഞ് വീഴുകയായിരുന്നു.

സ്വപ്നം കാണുക… സാക്ഷാത്കാരത്തിനായി അക്ഷീണം പ്രയത്നിക്കുക… ജീവിതം കൊണ്ടിത് അടയാളപ്പെടുത്തുകയായിരുന്നു എപിജെ അബ്‍‍ദുൾ കലാം.
ജൂലൈ 27 മുന്‍ രാഷ്ട്രപതി ഡോ.എപിജെ അബ്‍‍ദുൾ കലാം ഓർമ്മയായിട്ട് രണ്ട് വർഷം . മിസൈൽ മനുഷ്യന്‍ എന്ന വിശേഷണത്തിൽ നിന്നും ഭാരതത്തിന്‍റെ പ്രഥമ പൗരനായി വളർന്ന അബ്ദുൾ കലാമിന്‍റെ ദീപ്‍ത സ്‍മരണയ്ക്ക് മുന്നിൽ പ്രണാമം ....

Friday, July 14, 2017

പനിച്ചു വിറച്ചു വിറങ്ങലിച്ചു കേരളം

കേരളം പനിച്ചു വിറച്ചു വിറങ്ങലിച്ചു.....,

കേരളമാകെ പനിച്ചു വിറച്ചു നിൽക്കുന്നു
സർക്കാർ സ്ഥിരം പല്ലവി തുടരുന്നു
പക്ഷെ ഇന്നുവരെ ഒരാശുപത്രിയിലും ആവശ്യത്തിനുള്ള
മെഡിക്കൽ സ്റ്റാഫില്ല ,മരുന്നില്ല
ഇതിനിടയിൽ മാലാഖമാരുടെ സമരം,റേഷൻ
കാർഡിലെ അപാകതകൾ മൂലം റേഷൻ
വരെ നഷ്ട്ടപ്പെട്ട പട്ടിണിപ്പാവങ്ങൾ എല്ലാം
കൂടി പ്രശനം കൂടുതൽ രൂക്ഷമായിരിക്കുന്നൂ
പക്ഷെ നമ്മുടെ മാധ്യമങ്ങൾ ഒരു നടന്റെ പിന്നാലെ
കൂടിയിട്ട് ദിവസങ്ങളായി. നാട്ടിൽ അതൊഴിച്ചു
വേറൊരു വർത്തയുമില്ല എന്നമട്ടിലാണ് ദൃശ്യമാധ്യമങ്ങൾ
'സത്യത്തിൽ കഴിഞ്ഞ നാല് ദിവസമായി ഞാനും
പനിച്ചു കിടന്നു ഡോക്ടറുടെ ഫീസ് മരുന്ന് എല്ലാം
കൂടി ഒരു "ഗാന്ധി" സ്വാഹാ.
മെഡിക്കൽ ഷോപ്പിലെ
തിരക്ക് ഒരു കാര്യം ഉറപ്പിച്ചു കേരളം പനിച്ചു വിറച്ചു
കിടക്കുന്നു
പതിനേഴാം തിയ്യതി മുതൽ നേഴ്‌സുമാരുടെ
സമരം ആശുപത്രികളെ കൂടുതൽ ബാധിക്കും
സർക്കാരും കോടതിയും എസ്മ പ്രയോഗിക്കും
എന്നെല്ലാം പറയുന്നുണ്ട്
എന്തുകൊണ്ട് ഈ പനിക്കാലത്തേക്കു ഒരു
പ്രത്യേക പാക്കേജ് കൊടുത്തു സർക്കാരിന്
ഈ പ്രതിസന്ധി മറികടക്കാൻ ശ്രമിച്ചുകൂടാ?

Monday, July 3, 2017

മെട്രോ കൊച്ചി മെട്രോ

മെട്രോ കൊച്ചി മെട്രോ കിടിലൻ
ഡൽഹിയിലും മുംബൈയിലും മെട്രോ യാത്ര ചെയ്തിട്ടുണ്ട് അമ്പരന്നിട്ടുണ്ട്. നിലത്തുമല്ല വെള്ളത്തിലുമല്ല  ആകാശത്തുമല്ല അങ്ങനെഒരു യാത്ര ശരിക്കും വിസ്മയം തന്നെ!
കൊച്ചി മെട്രോ യാഥാർത്യമാകുന്നു എന്നറിഞ്ഞതുമുതൽ അതിൽ കയറാൻ ഒരു ആഗ്രഹം മനസ്സിൽ ഉദിച്ചു
ഇന്നലെ ആഗ്രഹം സഫലീകരിച്ചു. ആലുവ മുതൽ പാലാരിവട്ടം വരെ മെട്രോയിൽ യാത്ര ചെയ്തു.
നമ്മുക്ക് പരിചിതമായ കളമശേരി ഇടപ്പളി ലുലുമാൾ തുടങ്ങി പലസ്ഥലങ്ങളിലും ഭുമിയിലുമല്ല ആകാശത്തുമല്ല എന്ന നിലയിലുള്ള യാത്ര ആവേശം പകർന്നു സഹയാത്രികരും ത്രില്ലടിച്ചിരിക്കുകയായിരുന്നു പ്രത്യേകിച്ച് കുട്ടികൾ അത്ഭുതത്തോടെ യാത്ര ആസ്വദിക്കുകയായിരുന്നു പിന്നെ സെൽഫി എടുക്കുന്നവരുടെ ബഹളവും എന്തായാലും മെട്രോ
യാഥാർഥ്യമായിരിക്കുന്നു ബഹുമാനപ്പെട്ട ശ്രീധരൻ എല്ലാ പ്രശംസകളും അർഹിക്കുന്നു..ബസ്സിൽ മുൻപ് ഏകദേശം ഒരുമണിക്കൂർ എടുത്തിരുന്ന സമയം വെറും 22 മിനുട്ടായി കുറഞ്ഞിരിക്കുന്നു
ജയ് മെട്രോ!!!

Sunday, May 14, 2017

അമ്മ

ഗോവിന്ദൻ ആ ആശുപത്രിയുടെ icu വിനു മുൻപിൽ നിറഞ്ഞ കണ്ണുകളും മനസ്സ് നിറയെ പ്രാർത്ഥനയുമായി നിൽപ്പ് തുടങ്ങിട്ടു കുറച്ചു സമയമായി
തന്റെ പ്രിയപ്പെട്ടവൾ അകത്തു   ഓപ്പറേഷൻ ടേബിളിൽ ഒരു മേജർ ഓപ്പറേഷന്  കിടക്കുകയാണ്  പെട്ടെന്ന് ഗോവിന്ദൻ ഞെട്ടിയുണർന്നു
 സമയം അഞ്ചായി  ഇനി കിടന്നാൽ മോൾക്ക് സമയത്തിന് ഒന്നും കൊടുക്കാൻ പറ്റില്ല  വേഗം എണിറ്റു നിത്യ പരിപാടികൾ- ചായ    ബ്രേക്ക് ഫാസ്റ്റ്  ഉച്ചക്കുള്ള ഊണ്  മോളുടെ യൂണിഫോം അയേൺ ചെയ്യൽ കൃഷ്ണ ഭഗവാന്റെ മുൻപിൽ വിളക്ക് തെളിയിച്ചു രാധിക മോൾക്ക് വേണ്ടിയുള്ള പ്രാർത്ഥന-  തുടങ്ങി  എല്ലാം കഴിഞ്ഞപ്പോഴേക്കും
 മോള് കുളിച്ചു റെഡിയായി   അവൾക്കു ഇഷ്ട്ടമുള്ള  പുട്ടും കടലയും  ചായയും  ഊണു ബെഞ്ചിൽ  വെച്ച്  തന്റെ ഭക്ഷണമായ കഞ്ഞിയും എടുത്തുവച്ചു  രണ്ടുപേരും ഭക്ഷണം കഴിക്കാൻ തുടങ്ങി
രാധികയുടെ ചിന്ത  അച്ഛനെ കുറിച്ചായിരുന്നു
തന്നെ പ്രസവിച്ച ഉടനെ 'അമ്മ മരിച്ചു  ഒരുപ്പാട്‌ പേർ ഉപദ്ദേശിച്ചെങ്കിലും അച്ഛൻ വേറെ കല്യാണം കഴിച്ചില്ല   ജീവിതം തനിക്കു വേണ്ടി മാറ്റിവച്ചു  തന്റെ സുഖം  തന്റെ സൗകര്യം തന്റെ ഇഷ്ട്ടം ഇതുമാത്രമാണ്  അച്ഛന്റെ സന്തോഷം
താൻ പഠിക്കുന്ന സ്കൂളിൽ തന്നെ അച്ഛൻ തോട്ടപ്പണിക്കാരനായി അതും തനിക്കു വേണ്ടി  രണ്ടുപേരും സ്കൂളിൽ എത്തി  രാധിക ഏഴാം ക്ളാസ്സിലേക്കും ഗോവിന്ദൻ സ്കൂളിലെ പൂത്തോട്ടത്തിലേക്കും

 ഏകദേശം വൈകിട്ട് മൂന്ന് മണിയായപ്പോൾ  പ്രിൻസിപ്പൽ   ആളെ അയച്ചു ഗോവിന്ദനെ വിളിപ്പിച്ചു  പ്രിസിപ്പിലിന്റെ റൂമിൽ എത്തുന്നതുവരേയും ഗോവിന്ദൻ ഓടുകയായിരുന്നു   രാധികക്ക് എന്തെങ്കിലും പറ്റിയോ എന്നായിരുന്നു മനസ്സിൽ
 പ്രിൻസിപ്പൽ ഗോവിന്ദനോട് " നിങ്ങളുടെ മകൾ  ഈ എഴുതിയത് ഒന്ന് വായിക്കു ": എന്ന് പറഞ്ഞു ഒരു പേജ്  അവർ ഗോവിന്ദന് കൊടുത്തു
എന്നാൽ ഇംഗ്ലീഷിൽ എഴുതിയത്  കാരണം ഗോവിന്ദന് വായിക്കാൻ കഴിഞ്ഞില്ല  പ്രിസിപ്പൽ അതിൽ എഴുതിയത്  ചുരുക്കി ഗോവിന്ദനോട് പറഞ്ഞു
" ഇന്ന് ഞങ്ങൾ അമ്മ യെ കുറിച്ച്  ഒരു ഖണ്ഡിക എഴുതാൻ ആവശ്യപ്പെട്ടു
താങ്കളുടെ മകൾ  എഴുതിയത്  അമ്മക്ക് പകരം  അച്ഛനെ കുറിച്ചായിരുന്നു
അവൾ അതിൽ പറഞ്ഞത് - എനിക്ക് അമ്മയാണ് എന്റെ അച്ഛൻ  അച്ഛൻ ഇന്നു ജീവിക്കുന്നത് എനിക്ക് വേണ്ടിയാണ്  അച്ഛൻ നല്ലൊരു ഭക്ഷണം കഴിച്ചു ഞാൻ കണ്ടിട്ടില്ല ദോശയും പുട്ടും മറ്റു പലഹാരങ്ങളും ഞാൻ പറയാതെ തന്നെ എനിക്കുണ്ടാക്കിത്തരും  അച്ഛൻ കഞ്ഞി കുടിക്കും മൂന്ന് നേരവും  വേറെ ജോലി ഉപക്ഷേച്ചു  ഇവിടെ പണിയെടുക്കുന്നതും എനിക്ക് വേണ്ടിയാണ്  ഞാൻ  ഉറങ്ങാൻ  കിടന്നാൽ    അച്ഛൻ വന്നു എന്റെ അടുത്തു ഇരിക്കും   പിന്നെ  അച്ഛൻ എപ്പോഴാണ് ഉറങ്ങുന്നത് എന്ന് എനിക്കറിയില്ല  ഞാൻ എണീക്കുമ്പോൾ എനിക്കുള്ള പ്രഭാത ഭക്ഷണം  ഉച്ച ഭക്ഷണം യൂണിഫോം  വെള്ളകുപ്പിയിൽ തിളപ്പിച്ചാറ്റിയ വെള്ളം  എല്ലാം റെഡിയായിരിക്കും
സ്നേഹവും പരിപാലനവും  ആണ് ഒരമ്മയുടെ മുഖമുദ്ര എങ്കിൽ  അത് എന്റെ  അച്ഛനെക്കാൾ  ഒരാൾക്കും അവകാശ പെടാൻ  കഴിയില്ല
ത്യാഗമാണ് അമ്മ എങ്കിൽ എന്റെ അച്ഛനും ഒട്ടും പുറകിലല്ല  ഒരു പക്ഷെ ഏറ്റവും മുൻപന്തിയിൽ  ആകും അച്ചൻ
 അമ്മയെ കുറിച്ച് എഴുതാൻ ആവശ്യപ്പെട്ടു  അച്ഛനെ കുറിച്ച് എഴുതിയ ഞാൻ  ഇതിൽ വിജയിക്കില്ല  പക്ഷെ അത് ഞാൻ കാര്യമാക്കുന്നില്ല കാരണം
എന്റെ അച്ഛനാണ് എന്റെ അമ്മ

പ്രിസിപ്പൽ തുടർന്നു " രാധികയുടെ ഈ ഖണ്ഡിക  ഏറ്റവും മികച്ചതായി ഞങ്ങൾ തെരഞ്ഞെടുത്തിരിക്കുന്നു  അതിനുള്ള സമ്മാനം  നിങ്ങൾ അവൾക്കു ഇവിടെ വെച്ച് കൊടുക്കണം അതിനാണ്  വിളിപ്പിച്ചത്
ഗോവിന്ദന് കണ്ണ് നിറഞ്ഞു  മനസ്സും നിറഞ്ഞു

മദേഴ്‌സ് ഡേ ആശംസകൾ 

Wednesday, May 3, 2017

ബാഹുബലി 2 

ബാഹുബലി 2
ഈ ബ്രമാണ്ട ചിത്രം ശരിക്കും ഇന്ത്യൻ സിനിമയുടെ
യശസ്സ് ലോകസിനിമയിൽ ഉയർത്തും
കഠിനാദ്വാനത്തിന്റെ വിജയം..
കട്ടപ്പ എന്തിനു അമരേന്ദ്ര ബാഹുബലിയെ കൊന്നു
ഈ ചോദ്യമാണ് നമ്മളിൽ പലരേയും തീയേറ്ററിൽ
എത്തിച്ചത് പക്ഷെ ആ ചോദ്യം ഇല്ലായിരുന്നു എങ്കിലും
ചിത്രം വിജയിക്കുമായിരുന്നു അത്രക്കും ഒരുക്കങ്ങൾ
യാതനകൾ ഇതിനു പിന്നിലും മുന്നിലും പ്രവർത്തിച്ചവർ നടത്തിയിട്ടുണ്ട്
ഒരു സിനിമക്ക് വേണ്ടി ഏഴുവർഷം നീക്കിവയ്ക്കുക
ഓരോനിമിഷവും അതിനുവേണ്ടി ചിന്തിക്കുക അതിനുവേണ്ടി പ്രയത്‌നിക്കുക
 അതാണ് ഡെഡികേഷൻ.....,.
അതാണ് വിജയമന്ത്രവും.......
ഈ സിനിമ ശരിക്കും കണ്ണുകൾക്കുള്ളതാണ്
 നമ്മളിൽ ഒളിഞ്ഞിരിക്കുന്ന ബാല്യത്തിനുള്ളതാണ്
 നമ്മൾ കേട്ട് വളർന്ന മുത്തശ്ശി കഥയാണ് ,അമർ
ചിത്രകഥകളിൽ വായിച്ചതാണ് ഈ സിനിമ എന്ന്
തോന്നും
 ഒരുപക്ഷെ വീണ്ടും പഞ്ചതന്ത്രകഥകളും
ബാലചിത്രകഥകളും നമ്മൾ തിരഞ്ഞു വായിച്ചെന്നിരിക്കും
കണ്ടാൽ സന്തോഷിക്കും എന്തുകൊണ്ടെന്നാൽ
ഈ ചിത്രം ഒരു വിഷ്വൽ ട്രീറ്റ് ആണ്
ജയ് ബാഹുബലി ടീം

Thursday, April 13, 2017

പുഷ്പാഞ്ജലി

---പുഷ്പാഞ്ജലി----
പരീക്ഷ കഴിഞ്ഞു വന്നപ്പോൾ മുതൽ ശ്രദ്ധിക്കുന്നതാണ് മകളുടെ മുഖം ആകെ വാടിയിരിക്കുന്നു ചായയും കുടിച്ചു മുറിയിൽ പോയി ഒറ്റക്കിടപ്പ് ചോദിച്ചിട്ടാണെങ്കിൽ ഒന്നും പറയൊന്നുമില്ല 7ആം ക്ലാസ്സിൽ നിന്ന് സ്കൂൾ ഫസ്റ്റ് ആയി പാസ്സായ കുട്ടി ആണ് കഴിഞ്ഞ പരീക്ഷകൾ എല്ലാം എളുപ്പവും ആയിരുന്നു എന്ന് പറഞ്ഞിരുന്നു പിന്നെ എന്താ അവളുടെ പ്രശനം ?? എത്ര ആലോചിച്ചിട്ടും അമ്മക്ക് പിടികിട്ടിയില്ല. വൈകിട്ട് അച്ഛനും കൂടി വരട്ടെ എന്നിട്ടു ചോദിക്കാം എന്ന് കരുതി.

            രാത്രിയിൽ അച്ഛൻ മകളെ വിളിച്ചു അടുത്തിരുത്തി കാര്യം തിരക്കിയപ്പോൾ നിഷ്കളങ്കമായ ഒരു ചോദ്യം ആണ് മകളിൽ നിന്ന് ലഭിച്ചത്.

അച്ഛാ !! നമ്മൾ അമ്പലത്തിൽ പോയി പ്രാർത്ഥിക്കുന്ന കാര്യങ്ങൾ ഒക്കെ നടക്കോ??

അത് എന്താ മോളെ അങ്ങനെ ചോദിച്ചത് - നമ്മൾ ചെയ്യാൻ ഉള്ള കാര്യങ്ങൾ നമ്മൾ തന്നെ ചെയ്യണം , പിന്നെ ഈശ്വരാ വിശ്വാസവും നല്ലത് ആണ്.

അപ്പോൾ അമ്മ പറഞ്ഞല്ലോ വളരെ ശക്തി ഉള്ള ദേവി ആണ്. നമ്മൾ പ്രാർത്ഥിച്ചു അര്ച്ചന കഴിപിച്ചാൽ ദേവി സാധിച്ചു തരുമെന്ന്.

അത് എന്തുമാവട്ടെ മോളുടെ പ്രശ്നം എന്താ ??

അത് അച്ഛാ തെക്കെലെ ഗോപാലൻ ചേട്ടന്റെ ഭാര്യയുടെ പേരും എന്റെ പേരും ഒന്ന് തന്നെ ആണല്ലോ,പിന്നെ ആ ചേച്ചിയുടെ നാളും അശ്വതി തന്നെയാ..

നീ കാര്യം പറയെടാ..
അച്ഛന്റെ സ്വരത്തിൽ ദേഷ്യം വന്നു തുടങ്ങി..

അച്ഛാ നമ്മൾ അർച്ചന കഴിപ്പിക്കുമ്പോൾ നാളും പേരും മാത്രം അല്ലെ പറയുന്നുള്ളൂ.. വയസ്, കല്യണം കഴിച്ചതാണോ? അങ്ങനെ ഉള്ള കാര്യങ്ങൾ പറയുന്നില്ലല്ലോ.

അത് കൊണ്ട് എന്താ ??

അതേയ്... ഞാൻ ഒരു വിദ്യാ മന്ത്രവും ആ ചേച്ചി സന്തനാലബ്ധിക്കുള്ള അർച്ചനയും ആണ് കഴിപിച്ചത് ദേവിക്ക് എങ്ങാനും ഞങ്ങളെ മാറി പോയാലോ എന്നാ പേടി !!!!!!!


അമ്മയുടെ കൈയിൽ നിന്ന് അച്ഛനു കൊണ്ട് വന്ന ചായ ഗ്ലാസ് നിലത്തു വീഴുന്ന ശബ്ദം കേട്ടു...........
എന്നാൽ ഇതെല്ലാം മുകളിൽ ഇരുന്നു കണ്ടു രസിക്കുന്ന
ഒരാൾ ഉണ്ടായിരുന്നു. സൂപ്പർ  കമ്പ്യൂട്ടറും
ഡയറക്റ്റ് ടെലികാസ്റ്റിംഗ് എല്ലാം ഇൻസ്റ്റാൾ ചെയ്തു
ഓരോരുത്തരുടെയും കണക്കു കൃത്യമായി നോക്കിയിരിക്കുന്ന
സാക്ഷാൽ ഗോഡ്

എല്ലാവര്ക്കും വിഷു-ഈസ്റ്റർ ആശംസകൾ....
















Saturday, March 25, 2017

ടേക്ക് ഓഫ്

ടേക്ക് ഓഫ്
ഒരു നല്ല സിനിമ
ഒരു കൊച്ചു സിനിമ
ഒരു സെക്കന്റ് പോലും ഫോക്കസ് മാറാതെ പറയാൻ ഉദ്ദേശിച്ചതിൽ മാത്രം ശ്രദ്ധിച്ച അവതരണം
ഇറാക്കിൽ കുടുങ്ങിയ മലയാളി നേഴ്‌സുമാർ അവിടെനിന്നു രക്ഷപെട്ട സംഭവം അതുപോലെ പറഞ്ഞ സിനിമ
പാർവതിയും  കുഞ്ചാക്കോബോബനും മനോഹരമായി അഭിനയിച്ച കുറെ നല്ല മുഹൂർത്തങ്ങൾ ഈ സിനിമയുടെ  എടുത്തു പറയേണ്ട പ്ലസ് പോയിന്റ് ആണ്
ആരും മോശമായിട്ടില്ല  ഫഹദും ആസിഫ് അലിയും എല്ലാം അവരുടെ ഭാഗം ഭംഗിയാക്കി
നേഴ്‌സുമാരുടെ സേവന വേദന വ്യവസ്ഥകൾ മെച്ചപ്പെടുത്തേണ്ടതിന്റെ  ആവശ്യം വ്യക്തമായി പറഞ്ഞ സിനിമ
ഒരു മുസ്ലിം രാഷ്ട്രത്തിൽ  ജനം തീവ്രവാദം മൂലം  അനുഭവിക്കുന്ന അസ്വസ്ഥത  ഭയപ്പാട് എല്ലാം യഥാർത്ഥമായി  പകർത്തിയ ചിത്രം
ഭാരതം എത്ര സുന്ദരം ശാന്തം  എന്നു മനസ്സിലാക്കി തന്ന സിനിമ
കണ്ട്     ആസ്വദിക്കുക .........................

Tuesday, March 21, 2017

ഞാൻ ഞാൻ എന്ന ഭാവങ്ങളെ .....


ബാലു അന്നുവന്ന ലെറ്ററുകൾ വായിച്ചു കൊണ്ടിരിക്കുകയായിരുന്നു  ഒരുപാട് ആരാധകന്മാർ  ആരാധികമാരുണ്ട് ബാലുവിന്  തന്റെ ശബ്ദ മാധുര്യം നുണയുന്നവർ  തന്റെ പോപ്പുലാരിറ്റി കൂട്ടിയ പാട്ടുകൾ എല്ലാം മനസ്സിൽ വന്നു  പകുതിയും രാജയുടെ ഗാനങ്ങൾ ആണ്  തന്റെ ശബ്ദത്തിൽ  മുത്തുവും ദാസനും എഴുതിയ വരികൾ അവൻ ഈണമിട്ട പുറത്തുവന്ന ഗാനങ്ങൾ അതി മനോഹരം അതീവ ഹൃദയം
ഓരോ ഗാനവും പിറവിയെടുക്കാൻ ഞങ്ങൾ ഓരോരുത്തരും  പാടുപ്പെട്ടതു അത്രക്കും കഠിനമായിട്ടായിരുന്നു  ഒരുപക്ഷെ എനിക്ക് കിട്ടിയ കോഹിനൂർ രത്‌നങ്ങൾ ആണ് അവയെല്ലാം
ഒരു കുടുംബം പോലെ  ചങ്ങാതിമാർ പോലെ ആയിരുന്നു മുത്തുവും ഞാനും രാജയും"വാടാ പോടാ" ചങ്ങാതിക്കൂട്ടത്തിൽ നിന്ന് എന്തുകൊണ്ടോ മുത്തു പിൻവാങ്ങി  രാജയും അവനും തമ്മിൽ ഒരു ഗാനത്തിലെ വരികൾ  മുത്തുവിന്റെ അനുവാദം കൂടാതെ രാജ തിരുത്തിയതിൽ തുടങ്ങി വളർന്നു വലുതായ   'ആരു വലിയവൻ' എന്ന ഈഗോ എത്തി ചേർന്നത് ഒരു വേർപിരിയലിൽ  ആയിരുന്നു  ആ നഷ്ട്ടം എനിക്കും നിങ്ങൾക്കും മാത്രം
ഇന്നു വർഷങ്ങൾ കഴിഞ്ഞു ഇതെല്ലാം ഓർക്കാൻ കാരണവും അവൻ തന്നെ  അവൻ ഈണമിട്ട ഗാനങ്ങൾ  ഞാൻ അനുവാദമില്ലാതെ പാടാൻ പാടില്ല  ഇനി ഈ ആജ്ഞ ധിക്കരിച്ചാൽ നിയമ നടപടി തുടരും എന്നുള്ള അവന്റെ ലീഗൽ നോട്ടീസ് കൈപ്പറ്റിയത് കൊണ്ടാണ്
ഞാൻ അവന്റെ തുടക്കം ഒന്ന് ഓർത്തുപോകുന്നു  കത്തി നിന്ന ഒരു സംഗീത ചക്രവർത്തിയുടെ പല അസ്സിസ്സ്റ്റാന്റുകളിൽ ഒരുവൻ  പിന്നെ അതെ ചക്രവർത്തിയുടെ നല്ലമനസ്സുമൂലം  സംഗീത ലോകത്തിൽ സ്വന്തം സ്ഥാനം കണ്ടെത്തിയ അവൻ  ഇന്ന് "എന്റെ എന്റെ മാത്രം" എന്നവകാശപ്പെടുന്ന ഗാനങ്ങൾ  അതിനു വരികൾ എഴുതിയ കവിയും പാടിയ എന്നെപ്പോലുള്ള ഗായകരും  അതിനു ഓർക്കസ്ട്ര നയിച്ച പലരും ഇൻസ്ട്രുമെന്റസ് വായിച്ച
കലാകാരന്മാരും ഒന്നും ആ ഗാനങ്ങളിൽ ഒരു സംഭാവനയും ചെയ്തിട്ടില്ലേ എന്ന ചോദ്യം എന്നിൽ ഉയരുന്നു
 സംഗീത ചക്രവർത്തിയുടെ ഗാനം റീമിക്സ്  ചെയ്തതുപറ്റി അദ്ദേഹത്തോട് ചോദിച്ചപ്പോൾ   അദ്ദേഹം പറഞ്ഞത്"സത്യമാണ് ഞാനും കവിയും ഗായകരും  മാറ്റുകലാകാരന്മാരും  അത് ചത്രികരിച്ച ഡയറക്റ്ററും   ആ രംഗം ചത്രികരിച്ച ഫോട്ടോഗ്രാഫറും  അതിൽ അഭിനയിച്ച കലാകാരന്മാരും  ഇതിനെല്ലാം കാശു മുടക്കിയ പ്രൊഡ്യൂസറും എല്ലാരുമാണ് ആ ഗാനത്തിന്റെ അവകാശി എന്ന് തോന്നുമെങ്കിലും ആ ഗാനം ഹൃദയത്തിൽ ഏറ്റെടുത്തു  ഹിറ്റാക്കിയ സാധാരണക്കാരനാണ് അതിന്റെ യഥാർത്ഥ അവകാശി "
എന്തു കൊണ്ടോ ഇന്നത് മറന്നിരിക്കുന്നു  കേൾവിക്കാർ ഇല്ലെങ്കിൽ 'എന്ത് ഗാനം എന്ത് പാട്ടു  എന്ത് ഞാൻ എന്ന ഭാവം' .......

Tuesday, March 7, 2017

കളിയിൽ ചതി ?

കളിയിൽ ചതി ?
ക്രിക്കറ്റ് മാന്യന്മാരുടെ കളി എന്നാണു അറിയപ്പെടുന്നത്  അതിൽ ഒരുപ്പാട്‌ ലെജൻഡുകൾ നൽകിയ സംഭാവന ചില്ലറയല്ല  നമ്മുടെ നാട്ടിലെ പഴയ തലമുറയിലെ നവാബ് പട്ടൗഡി , ഗുണ്ടപ്പ വിശ്വനാഥ് , ചന്ദ്ര , ബേദി , ഗാവസ്‌കർ  മുതൽ സച്ചിൻ രാഹുൽ ലക്ഷ്മൺ  ധോണി മുതൽ വിരാട് വരെ ആ ഗണത്തിൽപ്പെടും,
എന്നാൽ പുതിയതലമുറ  പ്രത്യേകിച്ചും ആസ്ട്രേലിയൻ ടീം  ജയിക്കാൻ വേണ്ടി എന്തും ചെയ്യാം  എന്ന പക്ഷക്കാരാണ്  സ്ലെഡ്ജിങ് എന്ന ഓമനപ്പേരിൽ അറിയപ്പെടുന്ന ചീത്ത വിളി അവരുടെ സംഭാവനയാണ്  ക്രിക്കറ്റിന്
ഇപ്പോൾ നടക്കുന്ന ഇന്ത്യക്കെതിരെയുള്ള ടെസ്റ്റ് സീരിയസ്സിലും അവർ അത് തുടരുന്നു  പക്ഷെ ഇന്ന് പുറത്തുവന്ന ചതി ശരിക്കും ഞെട്ടിക്കുന്നതാണ്
DRS എന്ന റിവ്യൂ ഉപയോഗിക്കുന്നതിലാണ് അവർ ചതി പ്രയോഗിക്കുന്നത് DRS  പ്രകാരം രണ്ടു ടീമിനും 2  റിവ്യൂകൾ എൺപതു ഓവർ പിരീഡിൽ ഉപയോഗിക്കാം  റിവ്യൂ  സക്സസ് ആയാൽ വീണ്ടും ആ റിവ്യൂ ഉപയോഗിക്കാം  കഴിഞ്ഞ മൂന്ന് ദിവസമായി ഇന്ത്യയുടെ റിവ്യൂകൾ എല്ലാം പരാജയപ്പെടുകയും  അവരുടെ റിവ്യൂകൾ എല്ലാം വിജയിക്കുകയും ചെയ്തു
DRS  പ്രകാരം  റിവ്യൂ ആവശ്യപ്പെടുന്നതിനു മുൻപ്  കളിക്കളത്തിലുള്ള കളിക്കാരുടെ ഉപദേശം തേടാം  ഇതാണ് നിയമം
ഇന്ന് അവരുടെ ക്യാപ്റ്റൻ  സ്മിത്ത് പുറത്തായപ്പോഴാണ്  അവരുടെ കള്ളകളി പുറത്തുവന്നത്  തന്റെ കൂടെ ബാറ്റു ചെയ്യുന്ന ആളോട് ചോദിക്കുന്ന ഭാവത്തിൽ  ഡ്രസിങ് റൂമിൽ ഇരിക്കുന്നവരുടെ  സിഗ്നൽ  ആണ് സ്മിത്ത് ശ്രദ്ധിച്ചിരുന്നത്   ലാപ് ടോപ്പിൽ റിവ്യൂ കണ്ടു ഡ്രസിങ് റൂമിൽ ഇരിക്കുന്നവരാണ്  ആസ്ട്രേലിയൻ DRS  തീരുമാനം കൈകൊള്ളണമോ  വേണ്ടയോ എന്ന് സ്മിത്തിനെ അറിയിച്ചിരുന്നത്  അതുകൊണ്ടാണ് അവരുടെ റിവ്യൂ എല്ലാം വിജയിച്ചത്  ഇത് കൊടും ചതിയാണ് മാന്യമാർക്കു ചേർന്നതല്ല  ഇന്ന് വിരാട് ഈ കള്ളക്കളി കണ്ടുപിടിച്ചു പുറത്തു കൊണ്ടുവന്നിരിക്കുന്നു
 ആസ്ട്രേലിയൻ  കള്ളക്കളിക്കെതിരെ പ്രതികരിക്കുക

മറുനാടൻ തൊഴിലാളിയും നോട്ടു ബന്ധിയും ബാങ്കിങ്ങും പിന്നെ ഞാനും

സാണ്ടർ നോർത്ത് ഈസ്റ്റിൽ നിന്ന് ഞങ്ങളുടെ നാട്ടിൽ ജോലിക്കു വന്ന മറുനാടനാണ് ഇവിടെ കോണ്ക്രീറ്റു ടാങ്കുകളും റിങ്ങുകളുമുണ്ടാക്കുന്ന ഒരു ചെറിയ ഇൻഡസ്ട്രിയിൽ ജോലി ചെയ്യുന്ന സാന്ദർ വളരെ യാദൃച്ഛികമായാണ്  എന്നെ പരിചയപ്പെട്ടത് എന്റെ വൈഫ് ജോലി ചെയ്യുന്ന ബാങ്കിലാണ് സാണ്ടറിനു അകൗണ്ട് ഉള്ളത് ആഴ്ചയിൽ രണ്ടു പ്രാവശ്യം വീട്ടിലേക്കു നെഫ്റ്റ്‌ വഴി രൂപ അയക്കാൻ സാണ്ടർ ബാങ്കിൽ എത്തും ഞാനും ഭാര്യയെ ബാങ്കിൽ വിടാൻ കാലത്തു ബാങ്കിൽ പോകും അങ്ങനെ ഞങ്ങൾ പരിചയപ്പെട്ടു അറിയുന്ന മുറി ഹിന്ദിയിൽ കുശലങ്ങൾ പറയും ചിലപ്പോൾ തിരികെ ഒരുമിച്ചുവരും അങ്ങനെ ആ മറുനാടൻ പരിചയം തുടരവേ ഒരുദിവസം സാണ്ടർ കാലത്തു വീട്ടിൽ വന്നു ബാങ്ക് വഴി നെഫ്ട് അയക്കാൻ കുറച്ചു പണവും തന്നിട്ട് പറഞ്ഞു "സാബ് ബാങ്ക് മെ ബർന മൊതലാളി ബാങ്ക് മെ ജാനേ കെ ലിയേ മനാ കർത്താ .... ജോലി സമയം കാം കർണാ ബാങ്ക് മത്ത് ജാനാ ഐസാ  കഹത്താ ഹായ് "
എന്തായാലും ഞാൻ എന്നും പോകുന്നു സാണ്ടറെ സഹായിക്കാം എന്നുപറഞ്ഞു പിന്നെ കുറച്ചാഴ്ചകൾ ഞാൻ സാണ്ടറിനു വേണ്ടി ബാങ്കിങ് നടത്തി എന്റെ ഉപദേശത്തിൽ അവന്റെ വീട്ടുക്കാർ യൂണിയൻ ബാങ്കിൽ തന്നെ അകൗണ്ട് തുറന്നു അതോടെ നേരിട്ട് ആ അകൗണ്ടിൽ പണം അടച്ചു തുടങ്ങി പിന്നെ നോട്ടു നിരോധനം തുടങ്ങിയ ആഴ്ചയിൽ സാന്ദർ കാലത്തെ വീട്ടിൽ വന്നു കാര്യം ഒരു ആയിരം രൂപ മാറ്റി കൊടുക്കണം
പക്ഷെ ആയിരം മാറ്റി കൊടുക്കാൻ ഇല്ലാത്തതുകൊണ്ട് ഞാൻ ഇരുനൂറു രൂപ കൊടുത്തു പിന്നെ തന്നാൽ മതി എന്ന് പറഞ്ഞു ആയിരത്തിന്റെ നോട്ടും തിരിച്ചു കൊടുത്തു കൃത്യം ഒരുമാസം കഴിഞ്ഞപ്പോൾ സാണ്ടർ വന്നു " കാം കം ഹെ മൊതലാളി വാപസ്സ് ജാനേ കോ കഹാ ഹൈ ആജ് ഹാം വാപസ് ജാത്തേ ആപ് ക രൂപിയാ സരൂർ ബേജ് ദൂങ്ക" എനിക്ക് എന്ത് പറയണം എന്നറിഞ്ഞില്ല ഞാൻ അവനു ചായയും കൊടുത്തു യാത്ര പറഞ്ഞു
ജനുവരി പകുതിയോടെ ഒരു ദിവസം കാലത്തു സാണ്ടർ വീണ്ടും പ്രത്യക്ഷപ്പെട്ടു ആദ്യം എന്റെ കൈയിൽ നിന്നും വാങ്ങിയ അല്ല ഞാൻ കൊടുത്ത പണം തിരികെ തന്നു എന്നിട്ടുപറഞ്ഞു " മൊതലാളി വാപസ്സ് ബുലാലിയ കാം ഹേ ശുക്രിയ സാബ് " അവൻ ശരിക്കും സന്തോഷവാൻ ആയിരുന്നു , എന്ത് കൊണ്ടോ ഞാനും
ഇതെല്ലാം ഇന്നോർക്കാൻ ഒരു സംഭവമുണ്ടായി ഇന്ന് കാലത്തു സാണ്ടർ ഫോൺ ചെയ്തു പറഞ്ഞു ' ആപ് കെ ബെട്ടെ കെ പാസ് കൽ പാഞ്ച് ഹസാർ രൂപിയാ ദിയ ദാ ബാങ്ക് മെ ബർ നെ കെ ലിയേ ലെക്കിൻ ഉദർ മിലാ നഹി "
സത്യത്തിൽ ഞാൻ ഞെട്ടി എന്റെ മകൻ മുംബൈയിലാണ് അപ്പൊ എന്തോ എവിടെയോ തെറ്റു പെറ്റിയിരിക്കുന്നു ഞാൻ സാണ്ടറിനോട് നേരിട്ട് വരാൻ പറഞ്ഞു അവനുംഉടനെ വന്നു ഞാൻ കാര്യങ്ങർ പറഞ്ഞു പക്ഷെ അവൻ പറഞ്ഞു "ചോഡ് ദേ സാബ് കുച്ച് ഗലത്തി ഹോ ഗയാ മെ ജാൻ ത്താ ഹൂം ആപ് ഖബ്രായേ മത്" ഞങ്ങൾ സംസാരിച്ചുകൊണ്ടിരിക്കുമ്പോൾ എന്റെ കസിന്റെ മകൻ വന്നു പറഞ്ഞു " ആ ഹിന്ദിക്കാർ എന്റെ കൈയിൽ അയ്യായിരം രൂപ തന്നിട്ടുണ്ട് ഞാൻ ഇന്നലെ വന്നപ്പോൾ വല്യമ്മ ബാങ്കിൽ പോയിരുന്നു ഇതാ ആ പണം " സാണ്ടറും ഹാപ്പി ഞാനും ഹാപ്പി

Friday, March 3, 2017

ഒരു പാഠം

കഴിഞ്ഞ ദിവസം കാലത്തു എണീറ്റപ്പോൾ(സ്വയം ഉറക്കമുണർതല്ല ഭാര്യയുടെ ഉറക്കെയുള്ള ''അതെ ഒന്ന് എഴുനേൽക്കു അത്യാവശ്യമായി കുറച്ചു വെള്ളം കോരിത്തരണം " എന്ന വിളിയോ നിലവിളിയോ ആണ് അതിനുത്തരവാദി ) പൈപ്പിൽ ഒരുതുള്ളി വെള്ളമില്ല മോട്ടോർ വർക്ക്‌ ചെയ്യുന്നില്ല അത്യാവശ്യത്തിനുള്ള വെള്ളം കിണറിൽ നിന്ന് കോരാൻ തുടങ്ങിയപ്പോഴാണ് ഒരു സത്യം മനസ്സിൽ തറച്ചത് വെള്ളം നന്നേ താണിരിക്കുന്നു വേനൽ ആണെങ്കിൽ ഇനിയും ബാക്കി അപ്പൊ കുടിവെള്ളം പോലും നല്ല വേനലിൽ
ഉണ്ടാകില്ല എന്തായാലും വലിയ വട്ടികയിൽ വെള്ളം നിറച്ചതിനു ശേഷം വീടിനു ചുറ്റും ഒന്ന് നടന്നു അപ്പോൾ കഴിഞ്ഞ ദിവസം ചെയ്ത ഒരു അപരാധം കണ്ണിൽ പെട്ടു തെങ്ങു നനക്കാൻ  വേണ്ടി തുറന്ന പൈപ്പ് അടച്ചിട്ടില്ല രാത്രി മുഴുവൻ ഒഴുക്കിയത് ഒരു ടാങ്ക് വെള്ളം ലാവിഷായി രണ്ടു മൂന്ന് ദിവസം ഉപയോഗിക്കാൻ പര്യാപ്തമായ വെള്ളം മനസ്സിൽ ചെറിയ വലിയ കുറ്റബോധം തോന്നി
വീണ്ടും മോട്ടറിന്റെ അടുത്തെത്തി അറിയാവുന്ന പണിയെല്ലാം നോക്കി
ഫൂട്ട് വാൽവ് പിടിപ്പിച്ച പൈപ്പ് ഇറക്കിക്കെട്ടി വെള്ളത്തിനടിയിൽ കിടക്കുന്നു എന്നുറപ്പു വരുത്തി വട്ടികയിൽ കോരി നിറച്ച വെള്ളം പമ്പിലേക്കൊഴിച്ചു അതിൽ തങ്ങിയിരുന്ന "എയറിനെ" പുറത്തു ചാടിച്ചു
മോട്ടറിന്റെ സ്വിച്ച് ഓൺ ചെയ്തു  ഇൻഡിക്കേറ്റർ ബൾബ് തെളിഞ്ഞെങ്കിലും മോട്ടോർ അനങ്ങിയില്ല വീണ്ടും ഇതേ ശ്രമങ്ങൾ ആവർത്തിച്ചു ഫലം തഥൈവ, സ്വന്തം ഇലക്ട്രിഷ്യനെ ഫോൺ ചെയ്തു ആള് 'വെരി വെരി ബിസി' ഇപ്പൊ നാട്ടിലെ മോട്ടോറുകൾക്കെല്ലാം അസുഖമാണ് ഉള്ള ഒരേ വൈദ്യൻ നമ്മുടെ പ്രിയ സുഹൃത്തും, വീണ്ടും അഭ്യർത്ഥിച്ചപ്പോൾ വേറൊരു വൈദ്യനെ വിടാം എന്നായി പ്രധാന ഡോക്ടർ , കാലത്തു വരുമെന്ന പറഞ്ഞ അസിസ്റ്റന്റ് സർജൻ വന്നത് ഏകദേശം ഉച്ചക്ക് മൂന്നു മണിക്ക് , രോഗകാരണങ്ങൾ എല്ലാം കേട്ട് സ്വയം പരിശോധിച്ച അദ്ദേഹം മരുന്നും വിധിച്ചു മോട്ടോറിന്റെ സ്വിച്ചിൽ ഉറുമ്പു കയറിയിരിക്കുന്നു കോൺടാക്റ്റ് ക്ളീൻ ചെയ്താൽ ശരിയാകും പിന്നെ ഒരു മണിക്കൂർ സ്വിച്ച് അഴിക്കലും ക്ളീൻ ചെയ്യലും റീഫിറ്റ് ചെയ്യലും എല്ലാമായി കടന്നു പക്ഷെ മോട്ടോർ അനങ്ങിയില്ല അടുത്ത നിർദ്ദേശം പുതിയ സ്വിച്ച് വാങ്ങിയാൽ  എല്ലാം ശരിയാകും വെള്ളമല്ലേ എല്ലാം അതെല്ലേ ആവശ്യം അത്യാവശ്യം എന്ന് വിചാരിച്ചു ബൈക്കിൽ നാലഞ്ചു കിലോമീറ്റർ ഓടി അഞ്ചാറു കടകൾ കയറിയിറങ്ങി പുതിയ സ്വിച്ച് (പഴയതിനു ചേർന്നത് ) ഒപ്പിച്ചു
പക്ഷെ സ്വിച്ച് മാറ്റിയിട്ടും മോട്ടോർ അനങ്ങാപ്പാറ നയം വെടിഞ്ഞില്ല
അസ്സിസ്റ്റന്റ്റ് സർജൻ ആകെ വിഷമിച്ചു പിന്നെ നാളെ മെയിൻ ഡോക്ടർ വന്നു നോക്കും എന്നുപറഞ്ഞു ഒരുവിധം തടി തപ്പി അപ്പോഴേക്കും ഒരുദിവസത്തിലെ ഭൂരിഭാഗവും ഒരു അഞ്ഞൂറാനും കഴിഞ്ഞിരുന്നു
പിറ്റേ ദിവസം ഉച്ചയോടെ സാക്ഷാൽ വൈദ്യൻ വന്നു
എല്ലാ പോയിന്റിലും കറണ്ട് വരുന്നുണ്ട് എന്നത് ആദ്യം ഉറപ്പു വരുത്തി ഇതിനിടയിൽ വീട് വയർ ചെയ്ത "അവനെ " പറയാവുന്നതെല്ലാം പറഞ്ഞു രണ്ടു മൂന്നു മണിക്കൂർ തിരിച്ചും മറിച്ചും നോക്കിയിട്ടും കാര്യങ്ങൾ പഴയപ്പോലെ തന്നെ തുടർന്നു പിന്നെ മോട്ടോറിലേക്കു കണക്കറ്റ് ചെയ്യുന്ന വയർ കണക്റ്ററിൽ നിന്ന് ഊരിയെടുത്തു നേരിട്ട് കണക്റ്റ് ചെയ്തപ്പോൾ മോട്ടോർ സുഖമായി തിരിഞ്ഞു വെള്ളവും എടുത്തു ഒരു രൂപ പോലും വിലയില്ലാത്ത ഒരു കണക്ക്റ്റർ വിലപ്പെട്ട രണ്ടു ദിവസം ഞങ്ങളെ വലച്ചു
പക്ഷെ ഒരു കാര്യം മനസ്സിലായി ശ്രദ്ധക്കുറവ് മൂലം രണ്ടു ദിവസം ഉപയോഗിക്കേണ്ട വെള്ളം പാഴാക്കിയപ്പോൾ അതിയാൻ അതിനുള്ള പണിയും തന്നു ,,,,
ഒരു പാഠം പഠിച്ചു വെള്ളം ശ്രദ്ധയോടെ ഉപയോഗിക്കണം ,,,,,,,,,

Friday, February 10, 2017

പുതിയ സമരം

പുതിയ സമരം
പലതരത്തിലുള്ള സമരം കണ്ടിട്ടുണ്ട്
കേരളം എന്നാൽ സമരം എന്നും സമരമെന്നാൽ കേരളം എന്നു വരെ പലരും കേരളത്തിലെ സമരങ്ങളെ പരിഹസിക്കാറുമുണ്ട്
എന്നാൽ ഇന്ന് പത്രങ്ങളിൽ വന്നിരിക്കുന്ന ഒരു റിപ്പോർട്ട് ഒരു പുതിയ സമരത്തെ കുറിച്ച് പറയുന്നു
എത്രയോ സമരം ബാങ്കുകളുടെ മുന്നിലും മറ്റു സാമ്പത്തിക സ്ഥാപങ്ങളുടെയും മുന്നിൽ അരങ്ങേറിയിരുന്നു ലോൺ കിട്ടാൻ വേണ്ടി, ലഭിച്ച ലോൺ തിരിച്ചടക്കാൻ  സമയം കൂട്ടിക്കിട്ടാൻ വേണ്ടി, ലോൺ എഴുതി തള്ളാൻ, പലിശ നിരക്ക് കുറക്കാൻ , പലിശ ഒഴിവാക്കാൻ വേണ്ടി അങ്ങനെ ഒരു പാട് സമരങ്ങൾ നാം കണ്ടിട്ടുണ്ട് കേട്ടിട്ടുണ്ട്
എന്നാൽ ഇത് തികച്ചും വ്യത്യസ്തം
കാത്തലിക് സിറിയൻ ബാങ്ക് ജോലിക്കാർ കൊടുത്ത ലോൺ തിച്ചടവ് മുടക്കിയ വമ്പന്മാരുടെ വീടിനുമുൻപിൽ കൊടുത്ത ലോൺ തിരികെ കിട്ടാൻ സമരം തുടങ്ങി യിരിക്കുന്നു
ഉന്നതങ്ങളിലെ പിടി മൂലം, ജോലിക്കാരെ സമ്മർദ്ദത്തിൽ പെടുത്തി, അവകാശമില്ലാത്ത ലോണുകൾ എടുത്തു പിന്നെ ഓരോ തൊടു ന്യായങ്ങൾ നിരത്തി, രാഷ്ട്രീയ മേലാളന്മാരെ കൊണ്ട് റെക്കമൻഡ് ചെയ്യിച്ചും തിരിച്ചടവ് മുടക്കുന്നത് സ്ഥിരം ഏർപ്പാടാണ്
അതിനെതിരെ ഒന്നും ചെയ്യാൻ പറ്റാതെ , നിഷ്ക്രിയ ആസ്തുക്കു കാരണം ബോധിപ്പിച്ചും, ശിക്ഷകൾ ഏറ്റുവാങ്ങിയും സ്ഥാപങ്ങളിലെ ജീവനക്കാർ- പ്രത്യേകിച്ചും ബ്രാഞ്ച് മാനേജർമാർ- എല്ലാം സഹിക്കുകയായിരുന്നു ഇപ്പോൾ സമരം അവർക്കു ഒരു പുതിയ പാത തുറന്നിട്ടിരിക്കുന്നു

ഒരു കാര്യം കൂടി ചെയ്താൽ നന്നായിരുന്നു ലോണിന് റെക്കമെൻഡ് ചെയ്യുന്ന രാഷ്ട്രീയ നേതാക്കളുടെ വീട്ടിനു മുന്നിലും ഒരു സമരം/ ധർണ ആലോചിക്കേണ്ടതാണ് ....

Saturday, February 4, 2017

ചങ്ങാതി ..........

അനൂപ് നാട് വീട്ടു  തന്റെ സ്‌കൂൾ കൂട്ടുകാരന്റെ ഫോൺ നമ്പറും അഡ്രസ്സും മാത്രവുമാണ് അതിനവനെ പ്രേരിപ്പിച്ചത്  കഴിഞ്ഞ പ്രാവശ്യം അവൻ നാട്ടിൽ വന്നപ്പോൾ കയ്യിൽ പുത്തൻ ഐ ഫോൺ  പേഴ്‌സിൽ പുത്തൻ രണ്ടായിരങ്ങളും  അവന്റെ സ്റ്റേറ്റ്സ് ഞങ്ങളുടെ ഇടയിൽ കൂട്ടി  ലാത്തി വെക്കുന്നതിനിടിയിൽ അവൻ അനൂപിനോട് പറഞ്ഞു " ഡാ ഇവിടെ കിടന്നു വീട്ടുകാർക്കും നാട്ടുകാർക്കും ഭാരമാകാതെ നീ വാടാ മുംബൈയിലേക്ക്‌  നിന്നെ ഞാൻ കൊണ്ടുപോകാം " ഈ വാക്കുകൾ മാത്രം കണക്കിലെടുത്താണ് അനൂപ് വണ്ടികയറിയതു മുംബൈ എന്ന മഹാ നഗരത്തിലേക്ക്
പഠിക്കുന്ന കാലത്ത് അവൻ ആവറേജ് മാത്രമായിരുന്നു  എന്നാലും എന്റെ ഏറ്റവും അടുത്ത കൂട്ടുകാരനായിരുന്നു  അവൻ  പ്രായോഗിക വിദ്യ -  പ്ലമ്പിങ്   വയറിങ്  വൈൻഡിങ് എന്നിവ പഠിച്ചു,  സ്‌കൂൾ വിദ്യാഭ്യാസം കഴിഞ്ഞപ്പോൾ.  പിന്നെ നാട് വിട്ടു . താനോ പഠിക്കാൻ മിടുക്കൻ  അതുകൊണ്ടു തന്നെ എഞ്ചിനീയറിംഗ് എൻട്രൻസ് എഴുതി റാങ്കിൽ പിന്നിലായിപ്പോയി  വീട്ടുക്കാരെ പിഴിഞ്ഞെടുത്തു സ്വാശ്രയത്തിൽ  സീറ്റു നേടി  എഞ്ചിനീയറിംഗ്  ഡിഗ്രി   നേടി തെക്കോട്ടും വടക്കോട്ടും  നടന്നു നടന്നു ദിവസം മുടിപ്പിച്ചിരുന്നപ്പോഴാണ് അവന്റെ ക്ഷണം  എന്നാലും അവന്റെ കൂടെ പോകാൻ തുനിഞ്ഞില്ല  എന്നാൽ വീട്ടുകാരുടെ നിസ്സഹായാവസ്ഥ  ബന്ധുക്കളുടെ കുത്തുവാക്കുകൾ  എല്ലാം ഈ ഒളിച്ചോട്ടം അനിവാര്യമാക്കി വളരെ വൈകാതെ
മുംബയിൽ വണ്ടിയിറങ്ങി  അവനെ  ഫോണിൽ വിളിച്ചപ്പോൾ അവൻ  ഫോൺ എടുത്തു വളരെ ആശ്ചര്യത്തോടെ എന്റെ വരവിനെ എതിരേറ്റു  " ഡാ നീ അവിടെ തന്നെ ഇരിക്ക്  ഞാൻ വരാം പക്ഷെ എനിക്ക് അവിടെ എത്തണമെങ്കിൽ രണ്ടു മണിക്കൂറെങ്കിലും വേണം "
മണിക്കൂറുകൾ രണ്ടും മൂന്നും കഴിഞ്ഞു അവനെ കണ്ടില്ല  പലവട്ടം വിളിച്ചപ്പോഴും ഫോൺ  സ്വിച്ച് ഓഫ് എന്ന മെസ്സേജ്  മാത്രം കിട്ടി
താൻ വഞ്ചിക്കപ്പെട്ടുവോ എന്നൊരു ചിന്ത തലപൊക്കി  എന്നാലും കൂട്ടുക്കാരൻ ചതിക്കില്ല എന്നൊരു വിശ്വാസവും  സമയം നീങ്ങും തോറും   ഇനിയെന്ത് എന്ന ചിന്ത  കരച്ചിലിന്റെ വക്കിൽ എത്തിച്ചു  കൈയിലുള്ള പേഴ്‌സും കാലിയാണ്.....
വീണ്ടും അവനെ തന്നെ വിളിച്ചു എല്ലാ ദൈവങ്ങളെയും മനസ്സിൽ ധ്യാനിച്ച്
ഇത്തവണ ദൈവങ്ങൾ കാത്തു  അവൻ ഫോൺ എടുത്തു  സത്യത്തിൽ ആ നിമിഷം അനുഭവിച്ച റീലീഫ്  പറഞ്ഞറിയിക്കാൻ കഴിയില്ല
വീണ്ടും പത്തു പതിനഞ്ചു മിനുട്ടുകൾ കഴിഞ്ഞപ്പോൾ അവൻ വന്നു
ഒരു ഫാക്ടറി തൊഴിലാളിയുടെ വേഷം  പക്ഷെ ചെറുപ്പം മുതൽ കണ്ടു പരിചയിച്ച ചിരിയുമായി അവൻ എനിക്ക് കൈ തന്നു  കയ്യിൽ ഐ ഫോണില്ല  പകരം ഒരു സാധാരണ ഫോൺ
അവൻ പറഞ്ഞു "സത്യത്തിൽ നാട്ടിൽ വന്നപ്പോൾ കൈയിലുണ്ടായിരുന്ന ഫോൺ ..ഇന്നു  വരെ എന്റെ കയ്യിലുണ്ടായിരുന്നു എന്നാൽ പെട്ടെന്ന് കുറച്ചധികം പൈസ വേണ്ടിവന്നു  അതുകൊണ്ടു തന്നെ അത് വിറ്റു ഈ സാദാ ഫോൺ വാങ്ങി "
അവൻ എന്റെ ബാഗും എടുത്തു പുറത്തേക്കു നടന്നപ്പോൾ ഞാനും അവന്റെ കൂടെ നടന്നു. അടുത്തുള്ള ഹോട്ടലിൽ കയറി മസാല ദോശയും ചായയും കുടിച്ചു വീണ്ടും സ്റ്റേഷനിൽ എത്തി  ഒരു ലോക്കൽ ട്രെയിനിൽ  കയറി ഞങ്ങൾ
ഒരു  മണിക്കൂർ കഴിഞ്ഞപ്പോൾ ഒരു സ്റ്റേഷനിൽ ഇറങ്ങി  പിന്നെ പത്തു പതിനഞ്ചു മിനുട്ടുകൾ നടന്നപ്പോൾ ഞങ്ങൾ ഒരു റൂമിൽ എത്തി
അവനെ കൂടാതെ   വേറെ രണ്ടു പേരുമുണ്ട്  അവൻ പറഞ്ഞു " അനൂപ്  നീയും ഇവിടെ കൂടിക്കോ   നിനക്കു ഒരു ജോലി ഞാൻ ശരിയാക്കിട്ടുണ്ട്  ഞാൻ ജോലി ചെയ്യുന്ന  ഫാക്ടറിയിൽ  നിന്റെ പഠിപ്പിനനുസരിച്ചു സൂപ്പർവൈസറായിട്ടാണ്  നിയമനം  തുടക്കത്തിൽ പതിനായിരം രൂപ കിട്ടും  അതുകൊണ്ടു ജീവിക്കാം  പിന്നെ ജോലിക്കു വേണ്ടി ഒരു കോഷൻ
ഡെപ്പോസിറ്റ്   കൊടുക്കേണ്ടി വന്നു  അമ്പതിനായിരമാണ് ചോദിച്ചത്  പിന്നെ അത് പേശി കുറച്ചു മുപ്പതിനായിരമാക്കി അതിനു വേണ്ടിയാണ് ഞാൻ എന്റെ ഫോൺ വിറ്റത്  കൂടാതെ മാലയും പണയം വെച്ചു എല്ലാത്തിനും ഞാൻ വിചാരിച്ചതിലും കൂടുതൽ സമയമെടുത്തു   നീ എന്നെ വിളിച്ചു മടുത്തുകാണും  നിന്നെ ഞാൻ ചതിച്ചു എന്നും കരുതിക്കാണും  പക്ഷെ നമ്മൾ കളിക്കൂട്ടുക്കാരല്ലെ ഡാ  ഞാൻ എങ്ങനെ നിന്നെ ചതിക്കും ഞാൻ നിന്റെ വീട്ടിലും വിവരമറിയിച്ചിട്ടുണ്ട് "
 എന്റെ കണ്ണിൽ ഒരു കാരണവുമില്ലാതെ  കണ്ണുനീർ നിറഞ്ഞു  ഒന്നുംപറയാൻ  എനിക്കായില്ല  ഞാൻ അവനെ കെട്ടിപിടിച്ചു  അവൻ എന്നേയും...............
(കഴിഞ്ഞ നാലാം തിയതി ഫെയിസ് ബുക്ക് ഫ്രണ്ട്‌സ് ഡേ ആണ് എന്ന് പറഞ്ഞപ്പോൾ തോന്നിയ ഒരു കഥ (?))






Wednesday, January 25, 2017

ലോ അക്കാദമിയും കുട്ടികളും...............

ലോ അക്കാദമിയും കുട്ടികളും....................
കഴിഞ്ഞ പത്തു പതിനഞ്ചു ദിവസമായി ലോ അക്കാദമി വാർത്തകളിൽ നിറഞ്ഞു നിൽക്കുകയാണ് ലക്ഷ്മി നായർ എന്ന പ്രിസിപ്പലിന്റെ കാടൻ രീതികളാണ് വിദ്യാർത്ഥികളെ ചൊടിപ്പിച്ചിരിക്കുന്നത്
പാചക ഷോകളിലൂടെ പരിചിതയാണ് ലക്ഷ്മി നായർ
പല രുചികളിലുള്ള വിഭവങ്ങർ പരിചയപ്പെടുത്തുന്ന ലക്ഷ്മി നായർ എന്നാൽ ലോ അക്കാദമിയിൽ ഒരേ രുചിയിലാണ് പ്രവർത്തിക്കുന്നത് എന്നാണു കുട്ടികളുടെ വെളിപ്പെടുത്തലുകൾ സൂചിപ്പിക്കുന്നത്
കുട്ടികളുടെ വെളിപ്പെടുത്തലുകൾ ഇങ്ങനെ;-
ലോ അക്കാദമിയിൽ പഠിക്കുന്ന കുട്ടികളെ അടിമകൾ ആയിട്ടാണ് ലക്ഷ്മി നായർ നടത്തുന്നത് കൈയിലുള്ള ആയുധം ഇന്റെർണൽ മാർക്കസ്
ലോ അക്കാദമി കുട്ടികൾക്ക് സാധാരണ സ്വാതന്ത്ര്യം പോലും നിഷേധിക്കപ്പെട്ടിരിക്കുകയാണ് . ഹോസ്റ്റലിൽ താമസിക്കുന്ന കുട്ടികൾക്ക് ഒന്ന് പുറത്തുപോകാനോ വീട്ടിൽ പോകാനോ സ്വാതന്ത്ര്യം ഇല്ല
ലോ പഠിക്കുന്നതിന്റെ കൂടെ വേറെ എന്തെങ്കിലും കോഴ്‌സു കൂടി പഠിക്കാൻ, അതിനു ട്യൂഷന് ചേരാൻ, ശ്രമിച്ചാൽ ലക്ഷ്മി ആ കുട്ടിയോട് പറയുമത്രെ " നീയൊക്കെ ഈ കോഴ്സ്സ് തന്നെ കംപ്ലീറ്റ് ചെയ്യില്ല അതിനു ഞാൻ അനുവദിക്കില്ല "
ഇനി പെൺകുട്ടികൾ സഹപാഠിയായ ആൺ കുട്ടിയോട് സംസാരിച്ചാൽ മേഡം ലക്ഷ്മി കലിതുള്ളും " നിന്റെയൊന്നും അഴിഞ്ഞാട്ടം ഇവിടെ നടക്കില്ല " വീട്ടുകാരെ വിളിച്ചു വരുത്തി തന്തക്കും തള്ളക്കും വിളിക്കുക അവരുടെ മുൻപിൽ വെച്ച് അവരുടെ മകളെ തേവിടിശ്ശി എന്നർത്ഥത്തിൽ ഇംഗ്ലീഷിലും മലയാളത്തിലും വിളിച്ചു അപമാനിക്കുക എന്നിവയെല്ലാം അവരുടെ സ്ഥിരം ഹോബിയെന്നാണ്
കുട്ടികൾ പറയുന്നത് പാചകറാണി അക്കാദമിക്ക് മുന്നിൽ തുടങ്ങിയ പരീക്ഷണ ശാലയിൽ നിന്ന് കുട്ടികൾ ഭക്ഷണം കഴിക്കണം എന്നു നിർബന്ധിക്കുക, അവിടത്തെ ജോലികൾ ചെയ്യിക്കുക തുടങ്ങിയവയും ലക്ഷ്മിയുടെ സ്ഥിരം പംക്തിയാണത്രെ.
മേഡത്തിന് ബോധിക്കാത്ത കുട്ടികളെ വെറുതെ ദ്രോഹിക്കുക, നന്നായി പഠിക്കുന്ന കുട്ടികൾ ആയാലും ഇഷ്ടമില്ലെങ്കിൽ ഇന്റെർണൽ മാർക്ക് കുറക്കുക അറ്റൻഡൻസ് കൊടുക്കാതിരിക്കുക എല്ലാ കാര്യത്തിലും തീരുമാനമെടുക്കുക തുടങ്ങി എണ്ണിയാൽ തീരാത്ത ആരോപണങ്ങളാണ് കുട്ടികൾ പറയുന്നത്
പതിമൂന്നു ഏക്കർ സ്ഥലം സർക്കാരിൽ നിന്ന് പതിച്ചു വാങ്ങി അവിടെ തന്നെ വീടുകളും പണിതു താമസിക്കയും ചെയ്യുന്ന മേഡത്തിന് മുകളിലുള്ള "പിടി " മൂലം ഇതുവരെ ആരും ഒന്ന് അറിഞ്ഞിരുന്നില്ല.
ഈ കാര്യങ്ങളിൽ തന്റെ സ്റ്റാൻഡ് പറയാൻ വേണ്ടി ലക്ഷ്മി വിളിച്ചുകൂട്ടിയ പ്രസ് മീറ്റ് ഒരു പ്രമുഖ ചാനൽ ലൈവ് ടെലികാസ്റ്റിങ് നടത്തി അവരോടുള്ള കൂറ് പ്രകടിപ്പിച്ചു ഈ ചാനലും മറ്റു ചാനലുകളും ഈ അടുത്ത കാലം വരെ "കമാ" എന്നൊരക്ഷം ഇവർക്കെതിരെ പറഞ്ഞിരുന്നില്ല കുട്ടികളുടെ സമരവും റിപ്പോർട്ടും ചെയ്തില്ല
സർക്കാരും ഈ നേരം വരെയും ഈ പ്രശ്നത്തിൽ ഇടപെട്ടിട്ടില്ല ഇപ്പൊ വിദ്യാഭ്യാസ  മന്തി കുട്ടികളെ ചർച്ചക്ക് വിളിച്ചിട്ടുണ്ട്   സഖാവ് വി എസ്സ് ഇന്ന് സമര പന്തലിൽ എത്തി കുട്ടികളെ സന്ദർശ്ശിച്ചു
കഴിഞ്ഞ രണ്ടാഴ്ചയായി അടഞ്ഞു കിടന്ന കോളേജ് ഇന്നുമുതൽ തുറന്നു പ്രവർത്തിക്കും എന്ന് ലക്ഷി പറഞ്ഞിരുന്നെങ്കിലും ഇന്നും കോളേജ് പ്രവർത്തിപ്പിക്കാൻ കഴിഞ്ഞിട്ടില്ല
കേരളത്തിലെ സ്വാശ്രയ വിദ്യാഭ്യാസ രംഗം കലുഷിതമാണ് എന്തെല്ലാമോ  ചീഞ്ഞു നാറുന്നുമുണ്ട് കുടം തുറന്നു പുറത്തേക്കു വന്ന ഭൂതത്തെ ഇനി എങ്ങനെ കുടത്തിലാക്കും ?????

Monday, January 23, 2017

വിചിത്ര വാദം



വിചിത്ര വാദം
സുപ്രീം കോടതി ബഡ്‌ജറ്റ്‌ തിയ്യതി മാറ്റേണ്ട ആവശ്യമില്ല എന്നഭിപ്രായപ്പെട്ടിരിക്കുന്നു (ബഡ്‌ജറ്റ്‌ വോട്ടുചെയ്യുന്നവരെ സ്വാധിനിക്കില്ല എന്നാണ്  ഇന്ന് കോടതി പറഞ്ഞത് )
എനിക്ക് നമ്മുടെ പ്രതിപക്ഷം എന്തിനു ബഡ്‌ജറ്റ്‌ തിയ്യതി മാറ്റാൻ മിനക്കെടുന്നു എന്ന് മനസ്സിലാകുന്നില്ല
അഖിലേഷ് യാദവ് തന്റെ പാർട്ടിയുടെ തിരെഞ്ഞെടുപ്പ് പത്രികയിൽ പറയുന്നു -
അധികാരത്തിൽ വന്നാൽ എല്ലാവര്ക്കും സ്മാർട്ട് ഫോൺ ഫ്രീ ആയിട്ട് കൊടുക്കും
ഹൈ സ്കൂളിൽ പഠിക്കുന്ന പെൺ കുട്ടികൾക്ക് സൈക്കിൾ കൊടുക്കും
BPL കുടുംബങ്ങൾക്ക് ഒരു കിലോ നെയ്യും പാൽപൗഡറും എല്ലാമാസവും നൽകും
തമിഴ് നാട്ടിൽ രണ്ടു കഴകങ്ങളും ടീവിയും സാരിയും എലെക്ഷൻ സമയത്തു പ്രഖ്യാപിച്ചിരുന്നു
ഈ പ്രഖ്യാപനങ്ങൾ ഒന്നും വോട്ടേഴ്‌സിനെ ബാധിക്കില്ല എന്നാൽ ഒരു വർഷത്തെ ബജറ്റിൽ രാജ്യത്തിന് മുഴുവനായി എന്തെങ്കിലും ക്ഷേമ പദ്ധതികൾ പ്രഖ്യാപിച്ചാൽ അത് തിരെഞ്ഞെടുപ്പ് നടക്കുന്ന അഞ്ചു സംസ്ഥാനങ്ങളെ ജങ്ങളെ സ്വാധിനിക്കും
വിചിത്ര വാദംതന്നെ

ജോമോന്റെ സുവിശേഷങ്ങൾ

ജോമോന്റെ സുവിശേഷങ്ങൾ......

സത്യൻ അന്തിക്കാട് ബ്രാൻഡഡ് സിനിമ
കുടുംബങ്ങളെ ആകർഷിക്കും ദുൽക്കറും
മുകേഷും നല്ല പ്രകടനം കാഴ്ച്ച വെച്ചിരിക്കുന്നു
പാട്ടുകളും വിദ്യാസാഗർ ഭംഗിയാക്കി ഫോട്ടോഗ്രാഫി കുമാർ അതി മനോഹരമാക്കി
മൊത്തത്തിൽ എബോവ് ആവറേജ്
ഈ അടുത്ത കാലത്തിറങ്ങിയ ജേക്കബിന്റെ
സ്വർഗ്ഗരാജ്യം പഴയ സിനിമയായ കുടുംബം
ഒരു ശ്രീ കോവിൽ മമ്മൂട്ടി തകർത്തഭിനയിച്ച
രാപകൽ എല്ലാം ഏകദേശം ഇതേ അച്ചിൽ
വാർത്തെടുത്തവയാണ് എന്നാലും സത്യൻ
ഒരു മുഴു നീള കുടുംബ കഥ മനസ്സിൽ തട്ടും
വിധം പറഞ്ഞിട്ടുണ്ട് പിന്നെ സത്യന്റെ സിനിമകൾ
കുറച്ചു മാസങ്ങൾക്കു ശേഷംഓർക്കുമ്പോൾ
/അല്ലെങ്കിൽ ടീവിയിൽ ആവർത്തിച്ചു കാണുമ്പോൾ ഒരു നൊസ്റ്റാളിജിക് ഫീലിംഗ് തരും
ജോമോനും തീർച്ചയായും ആ ഗണത്തിൽ പെടും
കഴിഞ്ഞ ദിവസം ഈ സിനിമ കണ്ടപ്പോൾ ദേശീയഗാനം കാണിച്ചപ്പോൾ കാണികൾ മൗനമായി എഴുനേറ്റു നിന്ന് ആദരവ് പ്രകടിപ്പിച്ചു
ഒരാൾ പോലും ഇരിക്കുന്നത് കാണാൻ കഴിഞ്ഞില്ല
അതുപോലെ തന്നെ പുകവലിക്കെതിരെ രാഹുൽ
ദ്രാവിഡ് പറയുന്നതും സിനിമയും ആയി ചേർന്ന്
പോകുന്നതായി തോന്നി. ദേശീയഗാനം പ്രദശിപ്പിക്കൽ, ദേശീയത അടിച്ചേൽപ്പിക്കൽ, മഹത്മാ ഗാന്ധിയെ ഹൈജാക്ക് ചെയ്യൽ തുടങ്ങി
ഇന്ന് കേരളത്തിൽ ചർച്ചചെയ്യപ്പെടുന്ന വിവാദങ്ങൾ എല്ലാം എന്തിനോവേണ്ടി ആരോ
കരുതിക്കൂട്ടി ഉണ്ടാക്കുന്ന വിവാദങ്ങൾ മാത്രം
എന്നാണ് എനിക്ക് പറയാനുള്ളത്.

Sunday, January 8, 2017

വെറുതെ മോഹിക്കാൻ മോഹം................



വര്ഷങ്ങളോളം ഒരു നാടിനു തണലേകി,
നാടിൻറെ അടയാളമായി ആ ആലും ആൽത്തറയും അവിടെ .ഉണ്ടായിരുന്നു
ഒരുസുപ്രഭാതത്തിൽ വികസനത്തിന്റെ പേരിൽ ആ വൻ വൃക്ഷം മുറിച്ചു മാറ്റപ്പെട്ടു. കാര്യമായ  പ്രതിഷേധമോ സമരമോ ഒന്നും ഉണ്ടായില്ല  അല്ലെങ്കിൽ തന്നെ ആർക്കു ഇതിനൊക്കെ സമയം
നാട്ടുക്കാരുടെ വൈകുംനേരങ്ങളിലെ മീറ്റിംഗ് സ്ഥലമായിരുന്നു ആ ആൽത്തറ  ഇന്നത്തെ പോലെ ടീവിയോ  വാട്ട് സ് അപ്പൊ  ഫേസ് ബുക്കോ  ഇൻസ്റ്റാഗ്രാമോ ഒന്നും ഇല്ലായിരുന്നു അന്ന് , വൈകിട്ട് ഒത്തുക്കൂടി  കുറച്ചുസമയം ചിലവിടുക അത് ഒരു ദിനചര്യ തന്നെ ആയിരുന്നു
എത്രയോ ദിവസം അവിടെ കൂട്ടുകാരുമായി
സൊറ പറഞ്ഞിരിന്നിരിക്കുന്നു........
ആ ആൽ മരത്തിനെ കേന്ദ്രികരിച്ചു എത്ര
എത്ര പ്ലാനിങ്ങുകളും മീറ്റിംഗുകളും പ്രേമങ്ങളും കല്യാണങ്ങളും നടത്തപ്പെട്ടിട്ടുണ്ടാവും എന്നാലോചിക്കുമ്പോൾ വല്ലാത്തൊരു നഷ്ട്ടബോധം തോന്നുന്നു......
ആ മരത്തിന്റെ സമീപത്തു ഒരു അമ്പലമോ
പള്ളിയോ എന്തിനു എന്തെങ്കിലും ഒരു പാർട്ടിഓഫ്‌സോ ഉണ്ടായിരുന്നെങ്കിൽ ഒരുപക്ഷെ ആ മരം മുറിച്ചു മാറ്റപ്പെട്ടു ഉണ്ടായ റോഡ് വഴി മാറി പോയേനെ, (എത്രയോ സ്ഥലത്തു ഇത് സംഭവിച്ചിരിക്കുന്നു)
 നാടിൻറെ തണലായ ആ മരവുംആൽത്തറയും ഇന്നും കണ്ടെനെ .........
(വെറുതെ ഈ മോഹമെങ്കിലും വെറുതെ മോഹിക്കാൻ മോഹം)
ഇപ്പൊ ഈ ചിത്രം മാത്രം പലതും ഓർമ്മിപ്പിക്കാൻ ബാക്കി......,.....
(കടപ്പാട്  അഭിലാഷ്  അമൂല്യ ചിത്രത്തിനു)

Thursday, January 5, 2017

'ക്ഷണികം'


'ക്ഷണികം'
പതിവുപ്പോലെ രണ്ടാം ശനിയാഴ്ച ട്രസ്റ്റ് മെംബേർസ് തയാറാക്കിയ ഫുഡും ഒരു ഡോക്ടറും നേഴ്സും കുറച്ചു പ്രാഥമിക മരുന്നുകളും ആയി ഞങ്ങൾ ആ വൃദ്ധ സദനത്തിലേക്കു യാത്ര പുറപ്പെട്ടു മാസത്തിൽ ഒരു ദിവസം അവരോടൊപ്പം ചിലവഴിക്കുക എന്നത് കുറച്ചു കാലമായിട്ടുള്ള ട്രസ്റ്റിന്റെ അജണ്ടയിൽ ഉള്ളതാണ് . ആദ്യത്തെ യാത്രയിൽ ഞാനും പോയിരുന്നു ,ഞങ്ങൾ അവിടെ എത്തിയപ്പോൾ ആ വൃദ്ധ സദനത്തിലെ അന്തേവാസികൾക്ക് ഉണ്ടായ സന്തോഷം പറഞ്ഞറിയിക്കാൻ കഴിയില്ല കൊച്ചുകുട്ടികൾ; ജോലിക്കു പോയ മാതാപിതാക്കൾ വീട്ടിൽ എത്തുമ്പോൾ കാണിക്കുന്ന ഒരു വികാര പ്രകടനത്തോട് ഏകദേശം ചേരുന്നതാണ് ആ സന്തോഷം 
അവിടെയുള്ള അന്തേവാസികളുടെ ഹെൽത്ത് ചെക്കപ്പിൽ തുടങ്ങി, കൊച്ചു കൊച്ചു കലാ പ്രകടനങ്ങൾ, ഉച്ചക്ക് എല്ലാവരും ചേർന്നിരുന്നുള്ള ഭക്ഷണം കഴിക്കൽ, പിന്നെ അത്യാവശ്യം എഴുത്തുകുത്തുകൾ (പെൻഷൻ ഇൻഷുറൻസ്, പെറ്റിഷനുകൾ ) അന്തേവാസികൾക്ക് വേണ്ടി, അപൂർവമായി അന്നേദിവസം വരുന്ന വിസിറ്റർസിനുള്ള കൗൺ സിലിങ്ങും എല്ലാം ചേർന്നതാണ് വിസിറ്റ് 
എന്തുകൊണ്ടോ ആദ്യ വിസിറ്റിനു ശേഷം ഞാൻ ആ ടീമിൽ സ്ഥിരം മെമ്പറായി അവിടെ ചിലവാക്കുന്ന ഓരോ നിമിഷവും എനിക്ക് വിലമതിക്കാൻ കഴിയാത്ത സംതൃപ്‍ത്തി നൽകിയിരുന്നു
അവിടത്തെ സീനിയർ മോസ്റ്റ് ആയ രാഘവേട്ടൻ എപ്പോഴും ആരേയോ പ്രതീക്ഷിക്കുന്നത് പോലെ എനിക്ക് അനുഭവപ്പെട്ടു അതുകൊണ്ടുതന്നെ ഞാൻ അദ്ദേഹത്തോട് കൂടുതൽ അടുത്തു സ്വന്തം കുടുംബത്തിന് വേണ്ടി ജീവിതം ഹോമിച്ച രാഘവേട്ടനെ മക്കൾ ആരും തിരിഞ്ഞു നോക്കുന്നില്ല ആരെങ്കിലും വരും എന്ന പ്രതീക്ഷയാണ് ആ മുഖത്തു ഞാൻ രാഘവേട്ടനോട് പതിവുപ്പോലെ കുശലാന്വേഷണം തുടങ്ങി ഇത്തവണയും പക്ഷെ ആള് വളരെ ഡിപ്രസ്സ്‌ഡ് ആയിരുന്നു അദ്ദേഹത്തെ സമാധാനിപ്പിക്കാൻ ഞാൻ ചോദിച്ചു "ചേട്ടാ വീട്ടിലേക്കു വിളിക്കണോ ഞാൻ ഫോൺ തരാം വിളിച്ചോള്ളൂ" ആദ്യം വേണ്ട എന്നുപറഞ്ഞ രാഘവേട്ടൻ സ്വന്തം പെട്ടിയിൽ നിന്ന് തപ്പിയെടുത്ത ഒരു കഷ്ണം പേപ്പറുമായി എന്റെ അടുത്തുവന്നു ആ പേപ്പർ തന്നിട്ട് അതിലുള്ള നമ്പർ ഒന്ന് ഡയൽ ചെയ്തു തരാൻ പറഞ്ഞു .ISD നമ്പർ ഞാൻ ഡയൽ ചെയ്തു കൊടുത്തു റിങ് കിട്ടിയപ്പോൾ ഞാൻ ഫോൺ രാഘവേട്ടനു കൊടുത്തു മിഠായി കിട്ടിയ ഒരു കുട്ടിയെപ്പോലെ സന്തോഷിച്ച അയ്യാൾ ഫോൺ എടുത്തു പുറത്തേക്കു പോയി കുറച്ചധികം നേരം സംസാരിച്ചു 
പത്തു പന്ത്രണ്ടു മിനിട്ടു സംസാരിച്ച ശേഷം വളരെ സന്തോഷത്തോടെ ഫോൺ എനിക്ക് തന്നു എന്നിട്ടു പറഞ്ഞു " അവനും കുട്ടികളും വരുന്നുണ്ട് അടുത്തമാസം തിരിച്ചു പോകുമ്പോൾ എന്നേയും കൊണ്ടുപോവും എന്ന് തുള്ളിച്ചാടി കൊണ്ട് പറഞ്ഞു .ഫോൺ വാങ്ങി പോക്കെറ്റിൽ തിരികെവെച്ച ഞാൻ എല്ലാവരോടും രാഘവേട്ടന്റെ സന്തോഷം പങ്കു വെച്ചു
എല്ലാവരും സന്തോഷിച്ചു കുറച്ചുപ്പേർക്ക് ചെറിയ അസൂയ വരെ തോന്നി രാഘവേട്ടനോട് പിന്നെ പാട്ടും കവിത ചൊല്ലലും ചീട്ടുകളിയുമായി എല്ലാവരും ഒത്തുകൂടി പിന്നെ സന്ധ്യ മയങ്ങിയപ്പോൾ ഞങ്ങൾ സ്വന്തം തട്ടകത്തിലേക്കു തിരിച്ചു , പതിവിലും വൈകിയതുകൊണ്ടു വീട്ടിൽ എത്തിയതും കുളിച്ഛ് രാത്രിഭക്ഷണം കഴിച്ചു ഭാര്യയോടും മക്കളോടും അന്ന് നടന്ന കാര്യങ്ങളും രാഘവേട്ടന്റെ സന്തോഷവും പങ്കുവെച്ചു 
ഉറങ്ങാൻ നേരം ഫോൺ ചാർജ് ചെയ്യാൻ വേണ്ടി എടുത്തപ്പോളാണ് ഒരു സത്യം മനസ്സിലായത് രാഘവേട്ടന്റെ കോൾ ത്രൂ ആയിരുന്നില്ല ,,,,,,,,,,,

LikeShow more reactions
Comment

Monday, January 2, 2017

ദംഗൽ

ദംഗൽ
അമീർഖാന്റെ ഈ സിനിമ കണ്ടു ഇഷ്ട്ടപ്പെട്ടു ഗുസ്തിക്കാരനായ ആമീർ ജീവിക്കാൻ വേണ്ടി ഗുസ്തി ഉപകേഷിച്ചു ജോലി തേടി
തനിക്കു ഉണ്ടാകുന്ന മകനെ നാടിനു വേണ്ടിസ്വർണ മെഡൽ നേടുന്ന ഒരു ഗുസ്തിക്കാരൻ ആക്കണം എന്നുള്ളതാണ് ടിയാന്റെ ആഗ്രഹം.
എന്നാൽ പിറന്നത് മുഴുവൻ പെൺകുട്ടികൾ. തങ്ങളോട് മോശമായി പെരുമാറിയ ഒരു ആൺ കുട്ടിയെ ഗീതയും ബബിതയും കൈകാര്യം ചെയ്തത്അവർ ഗുസ്തിക്ക് കൊള്ളാം എന്നൊരു തോന്നൽ അയാളെ അവഴിക്കു തിരിച്ചുവിടുന്നു.തന്റെ ബാക്കി ജീവിതം ആ സ്വപ്ന സാക്ഷാത്കാരത്തിന് വേണ്ടി നീക്കിവെക്കുന്നു. കഠിന പരിശ്രമത്തിലൂടെ ഗീതയെ നാഷണൽ
ചാമ്പ്യൻ ആക്കുന്നു. ബബിതയെ ജൂനിയർ ചാമ്പ്യനും .എന്നാൽ തുടർന്ന് നാഷണൽഅക്കാദമിയിൽ എത്തിപ്പെടുന്ന ഗീത കോച്ചിന്റെ തെറ്റായ പരിശീലന മുറകൾ മൂലം പല ഇന്റർ നാഷണൽ ഇവന്റസിലും പരാജയപ്പെടുന്നു. അച്ഛന്റെ കോച്ചിങ് മികവ്മ നസ്സിലാക്കിയ ഗീത അച്ഛന്റെ പരിശീലനമുറകൾ വഴി കോമൺ വെൽത്ത് ഗെയിംസിൽ ഗോൾഡ് മെഡൽ നേടുന്നു,
നമ്മുടെ നാടിനുവേണ്ടി ഗുസ്തിയിൽ പല മെഡലുകളും കൈവരിച്ച ഗീതാകുമാരിയുടേയുംഅവരുടെ അനുജത്തി ബബിതയുടേയും ജീവിതത്തിൽ നിന്ന് പകർത്തിയതാണ് ഈ സിനിമ,
ഹിന്ദി സിനിമ മാറുകയാണ്
സ്പോർട്സ് ഇതിഹാസങ്ങളുടെ ജീവിതം അഭ്രപാളിയിൽ പകർത്തി അവർ സ്പോർട്സിനെ സപ്പോർട്ട് ചെയ്യുന്നു.
മേരികോം, മിൽഖാ സിങ്, ക്രിക്കറ്റിൽ
സച്ചിൻ ധോണി എന്നിവരുടെ കഥയും അവർ പറഞ്ഞു കഴിഞ്ഞു
ഈ സിനിമകൾ കാണുന്ന കുട്ടികൾ അറിയാതെ ഈ കളികളിൽ ആകൃഷ്ട്ടരാവുന്നു അങ്ങനെ നമ്മുക്ക് വീണ്ടും ലെജെന്റുകൾ ലഭിക്കുന്നു അല്ലെങ്കിൽ അതിനു സാധ്യതകൾ ഏറുന്നു
ദംഗൽ മനസ്സിനെ കീഴടക്കി കാരണം
അമീറിന്റെ മിതമായ അഭിനയം. സ്വയം ഒരു സൂപ്പർ ആയിരുന്നിട്ടും ഒരു സാധാരണക്കാരനെ വളരെ ഭംഗിയായി  അവതരിപ്പിച്ചു, ഒരു അമാനുഷിക പ്രകടനവും ഇല്ലാതെ ,ഗീതയേയും ബബിതയേയും അവതരിപ്പിച്ച
കുട്ടികൾ, ഗുസ്തി എന്ന സ്പോർട്ടിന്റെ ഭംഗി, ഒരു സെക്കന്റ് പോലും ലാഗ് തോന്നാത്ത അവതരണം, വീട്ടുക്കാർ തമ്മിലുള്ള വൈകാരിക നിമിഷങ്ങൾ യഥാർത്ഥമായി അവതരിപ്പിച്ചത് , ഒരു ആഭാസ സീനുകളും ചേർക്കാത്തതു, ലിംഗ വ്യത്യാസം കായികരംഗത്തു പാടില്ല എന്നു ശക്തമായി പറഞ്ഞത്, എല്ലാത്തിലും വലുതായി "ഇന്ത്യ" വികാരം  മനോഹരമായി  പകർത്തിയതിന്

ഈ സിനിമ കണ്ടവർ ഇനി ടീവിയിൽ വരുന്ന ഗുസ്തി മത്സരങ്ങൾ തീർച്ചയായും കണ്ടിരിക്കും!